கோவை: தங்கம் விலை கடந்த 10 நாட்களில் மட்டும் பவுனுக்கு ரூ.2,000 குறைந்துள்ளது.
தங்கம் விலை தாறுமாறாக உயர்ந்து வந்த நிலையில், கடந்த சில தினங்களாக விலை குறைவைச் சந்தித்து வருகிறது.
ஜூன் 15ம் தேதி ஒரு கிராம் ஆபரணத் தங்கம் (22 காரட்) ரூ.9,320க்கும், ஒரு பவுன் ரூ.74,560க்கும் விற்பனையானது.
Advertisement
தொடர்ந்து, 16ம் தேதி ஒரு கிராம் ரூ.9,305ஆக குறைந்தது. 17ம் தேதி ரூ.9,200க்கு விற்பனை செய்யப்பட்டது. 18ம் தேதி கிராமுக்கு ரூ.50 உயர்ந்து ரூ.9,250க்கு விற்பனை செய்யப்பட்டது.
அடுத்தடுத்த நாட்களில் சற்றே ஏற்ற இறக்கத்தைச் சந்தித்த தங்கம் விலை நேற்று கிராம் ரூ.9,155க்கும், ஒரு பவுன் ரூ.73,240க்கும் விற்பனையானது.
மீண்டும் விலை குறைவு
இந்த நிலையில் இன்று மீண்டும் விலை குறைவைச் சந்தித்துள்ளது. கோவையில் இன்று ஆபரணத் தங்கம் விலை ஒரு கிராமுக்கு ரூ.85ம், பவுனுக்கு ரூ.680ம் குறைந்துள்ளது.
அதன்படி தற்போது 22 காரட் ஆபரணத் தங்கம் ஒரு கிராம் ரூ.9,070க்கும், ஒரு பவுன் ரூ.72,560க்கும் விற்பனை செய்யப்பட்டு வருகிறது.
18 காரட் தங்கம் கிராமுக்கு ரூ.65ம், பவுனுக்கு ரூ.520ம் குறைந்து, இன்று ஒரு கிராம் ரூ.7,475க்கும், பவுன் ரூ.59,800க்கு விற்பனை செய்யப்பட்டு வருகிறது.
வெள்ளி விலை
வெள்ளி விலை கிராமுக்கு ஒரு ரூபாய் குறைந்துள்ளது. இன்று ஒரு கிராம் வெள்ளி ரூ.119க்கும், ஒரு கிலோ வெள்ளி ரூ.1,19,000க்கும் விற்பனையாகிறது.
