கோவை: கோவையில் அரசு பள்ளியில் தமிழ்நாடு முதல்வர் மு.க.ஸ்டாலின் பிறந்த நாள் விழா பள்ளி குழந்தைகளுடன் கொண்டாடப்பட்டது.
கோவை வெள்ளக்கிணர் அரசு ஆரம்பப்பள்ளியில் தமிழக முதல்வர் மு க ஸ்டாலின் 73 வது பிறந்தநாளை ஒட்டி திமுக 2 வது வட்டம் துடியலூர் கிழக்கு பகுதி சார்பில் கேக் வெட்டி பள்ளிக் குழந்தைகளுக்கு வழங்கி சிறப்பாக கொண்டாடப்பட்டது. இதில் தமிழக முதல்வர் மு க ஸ்டாலினுக்கு பள்ளி குழந்தைகள் பிறந்தநாள் வாழ்த்து பாடல் பாடி வாழ்த்துக்களை தெரிவித்தனர்.
திமுக தலைவரும் தமிழக முதல்வருமான மு க ஸ்டாலினின் 73 வது பிறந்தநாளை திமுகவினர் பல்வேறு நலத்திட்டங்களை வழங்கி வெகு விமர்சையாக கொண்டாடி வருகின்றனர். இதன் ஒரு பகுதியாக திமுக 2 வது வட்டம் துடியலூர் கிழக்கு பகுதி சார்பில் கோவை வெள்ளக்கிணர் அரசு ஆரம்பப்பள்ளியில் மு க ஸ்டாலின் பிறந்தநாள் விழா விமர்சையாக கொண்டாடப்பட்டது.
கிழக்கு பகுதி கழக செயலாளர் அருள்குமார் தலைமையில் நடைபெற்ற இந்நிகழ்ச்சிக்கு மாநகராட்சி 2 வது வார்டு மாமன்ற உறுப்பினர் புஷ்பமணி அருள்குமார், 2 வது வட்டம் ஆ செயலாளர் சண்முகம் ஆகியோர் முன்னிலை வகித்தனர்.
இந்நிகழ்ச்சியில் சுமார் 10 கிலோ எடையுள்ள மு க ஸ்டாலின் உருவம் பொறித்த கேக்க்கினை பள்ளிக் குழந்தைகளுடன் இணைந்து வெட்டி அதனை குழந்தைகளுக்கு ஊட்டினர். மேலும் பள்ளியில் பயிலும் 200க்கும் மேற்பட்ட மாணவ மாணவிகளுக்கும் வழங்கினர்.
