கோவை: கேஸ் சிலிண்டர் தட்டுபாடு காரணமாக உணவு மெனு குறைக்கப்படுவதாக அன்னபூர்ணா நிர்வாகம் அறிவித்துள்ளது.
தற்போது நிலவி வரும் கேஸ் சிலிண்டர் விலை உயர்வு மற்றும் தட்டுபாடு காரணமாக கோவையில் அன்னபூர்ணா உணவகம் இன்று (10.03.2026) முதல் உணவு மெனு பட்டியலை குறைப்பதாக தெரிவித்துள்ளது.
கோவையைச் சேர்ந்த பிரபல சைவ உணவகமாக திகழ்ந்து வரும் அன்னபூர்னா ஹோட்டல் நிர்வாகம், பல்வேறு கிளைகளுடன் இயங்கி வருகிறது.
இந்நிலையில் உணவு மெனு குறைக்கபடுவதாக அறிக்கை ஒன்றை வெளியிட்டுள்ளது. அந்த அறிக்கையில், மத்திய கிழக்கு நாடுகளில் நிலவிவரும் புவிசார் அரசியல் நெருக்கடி காரணமாக LPG ஏரிவாயு கட்டுப்பாடுகள் ஏற்பட்டுள்ளது எனவும் அதனால் LPF எரிபொருள் கிடைப்பதில் தினசரி குறைபாடுகளை எதிர்கொண்டு வருவதாகவும் தெரிவித்துள்ளது.
அதன் காரணமாக சேவைகளை முழுமையாக நிறுத்தாமல் தற்காலிக நடவடிக்கைகள் அமல்படுத்தப்படுவதாகவும், அதன்படி அத்தியாவசிய உணவுப் பொருட்கள் மட்டும் ஹோட்டலில் இருக்கும் என்றும் உணவு மெனு பட்டியல் குறைக்கப்படுகின்றது எனவும் தெரிவிக்கப்பட்டுள்ளது.
சமையல் எரிவாயு முழுமையான விநியோகத்தை மீட்டெடுக்க அரசு மற்றும் விநியோகத்தர்கள் இணைந்து செயல்பட்டு வருகின்றோம் என்றும்
பொதுமக்களுக்கு ஏற்பட்டுள்ள சிரமத்துக்கு மன்னிப்பு கோருவதகாவும் தெரிவித்துள்ளது.
