கோவை: SIR க்கு Mobile Help Desk அறிமுகம் செய்யப்பட்டுள்ளதாக கோவை மாவட்ட ஆட்சியர் தெரிவித்துள்ளார்.
சிறப்பு தீவிரவாக்காளர் திருத்தப் பணிகள் தமிழ்நாடு முழுவதும் நடைபெற்ற வருகிறது கோவை மாவட்டத்திலும் நவம்பர் நான்காம் தேதி முதல் இந்த பணிகள் ஆனது நடைபெற்று வருகிறது.
அதன்படி SIR படிவங்கள் வாக்காளர்களிடம் வழங்கப்பட்டு பூர்த்தி செய்த பிறகு திரும்ப பெறப்பட்டு வருகிறது. எஸ் ஐ ஆர் படிவங்களை நிரப்புவதில் பல்வேறு குழப்பங்கள் நிலவுவதாக பல்வேறு வாக்காளர்கள் கருத்து தெரிவித்து வருகின்றனர்.
இந்நிலையில் இந்த குழப்பங்களை தீர்க்கும் வகையில் Mobile Help Desk அறிமுகம் செய்யப்பட உள்ளதாக கோவை மாவட்ட ஆட்சித் தலைவர் பவன்குமார் தெரிவித்துள்ளார்.
இது குறித்து அவர் வெளியிட்டுள்ள வீடியோவில், பொதுமக்கள் எந்த ஒரு சிரமங்களும் இல்லாமல் அந்த படிவத்தை நிரப்பும் வகையில் Mobile Help Desk அறிமுகப்படுத்தப்படுவதாகவும் அதன்படி BLO நேரடியாக வந்து அந்த படிவங்களை பெற்றுக் கொள்வார் என்றும் இதனை அனைத்து பொதுமக்களும் பயன்படுத்திக் கொண்டு ஒத்துழைப்பு நல்குமாறு கோவை மாவட்ட ஆட்சியர் தெரிவித்துள்ளார்.