கோவை: விடுமுறை அறிவிப்பு தெரியாமல் பெரியார் அறிவுலகத்தை காண வந்த பொதுமக்கள் ஏமாற்றத்துடன் திரும்பிச் சென்றனர்.
விடுமுறை அறிவிப்பு தெரியாமல் கோவையில் அண்மையில் திறக்கப்பட்ட பெரியார் அறிவுலகத்தைக் காண வந்த பொதுமக்கள் ஏமாற்றத்துடன் திரும்பி சென்றனர்.
கோவை காந்திபுரம் பகுதியில் அமைந்துள்ள பெரியார் அறிவுலகம், ஆயுத பூஜை மற்றும் விஜயதசமி அரசு விடுமுறையை முன்னிட்டு இன்றும் நாளையும் மூடப்பட்டிருக்கும் என அறிவிக்கப்பட்டுள்ளது.
இதனை அறியாமல் பெரியார் அறிவுலகத்தைக் காண வந்த ஏராளமான பொதுமக்கள், நுழைவாயிலில் ஏமாற்றத்துடன் திரும்பிச் சென்றனர்.
கோவை காந்திபுரம் பகுதியில் அமைக்கப்பட்டுள்ள பெரியார் அறிவுலகத்தை, கடந்த 16-ஆம் தேதி தமிழக முதல்வர் விஜய் திறந்து வைத்தார். நூலகம் மட்டுமின்றி, அறிவியல் சார்ந்த பல்வேறு சிறப்பு அம்சங்களும் இங்கு இடம்பெற்றுள்ளன.
இதனால், திறக்கப்பட்ட முதல் நாளிலிருந்தே பொதுமக்களிடையே பெரியார் அறிவுலகத்திற்கு நல்ல வரவேற்பு கிடைத்தது.
இந்நிலையில், ஆயுத பூஜை மற்றும் விஜயதசமியை முன்னிட்டு தொடர்ந்து இரண்டு நாட்கள் அரசு விடுமுறை என்பதால், பெரியார் அறிவுலகமும் மூடப்பட்டிருக்கும் என அறிவிக்கப்பட்டுள்ளது.
ஆனால், இந்த விடுமுறை குறித்த தகவல் தெரியாமல் இன்று பெரியார் அறிவுலகத்தைப் பார்வையிட வந்த பொதுமக்கள் பலர், அது மூடப்பட்டிருந்ததைக் கண்டு ஏமாற்றத்துடன் திரும்பிச் சென்றனர்.
பெரியார் அறிவுலகம் நூலகத் துறையின் கீழ் செயல்படுவதால், அரசு விடுமுறை நாட்கள் மற்றும் நூலகத்தின் வழக்கமான விடுமுறை நாட்களில் மூடப்பட்டிருக்கும் எனத் தெரிவிக்கப்பட்டுள்ளது.
