கோவையில் நள்ளிரவில் அடுத்தடுத்து வெடித்த கேஸ் சிலிண்டர்கள்! – வீடியோ காட்சிகள்

கோவை: கோவையில் உள்ள பாத்திரக்கடையில் கேஸ் சிலிண்டர்கள் அடுத்தடுத்து வெடித்துச் சிதறியதால் பரபரப்பு ஏற்பட்டது.

சங்கனூர் சாலையில் பாத்திரக்கடை ஒன்று செயல்பட்டு வருகிறது. இந்த கடையை நேற்றிரவு வழக்கம் போல் பணியாளர்கள் பூட்டிச் சென்றனர்.

Advertisement

சுமார் 11 மணிக்கு மேல், கடையில் லேசான தீவிபத்து ஏற்பட்டது. சிறிது நேரத்திலேயே தீ மளமளவென கடை முழுவதும் பரவியது.

பெட்ரோல் பங்க் அருகே உள்ள கடையில் தீ விபத்து ஏற்பட்டதைப் பார்த்த அப்பகுதி மக்கள் தீயணைப்புத் துறையினருக்குத் தகவல் அளித்தனர். ஆனால் தீயணைப்புத்துறையினர் வருவதற்கு முன்பாகவே கடையில் இருந்த பொருட்கள் கொளுந்துவிட்டு எரியத் தொடங்கின.

இந்த தீ விபத்தின் போது கடையில் வைக்கப்பட்டிருந்த 5க்கும் மேற்பட்ட சிறு சிறு கேஸ் சிலிண்டர்கள் அடுத்தடுத்து வெடிக்கத்தொடங்கின. இதனிடையே அங்கு வந்த தீயணைப்புத்துறையினர் நீண்ட நேரம் போராடி தீயை அணைத்தனர்.

நள்ளிரவில் சிலிண்டர்கள் பயங்கர சத்தத்துடன் வெடித்துச் சிதறியதால் அப்பகுதி மக்கள் பீதியடைந்தனர்.

Recent News

கவுண்டம்பாளையம் ஹவுசிங் யூனிட் கொள்ளை சம்பவம் சுட்டுப் பிடிக்கப்பட்ட மூன்று பேரில் ஒருவர் உயிரிழப்பு…

கோவை: கவுண்டம்பாளையம் ஹவுசிங் யூனிட் கொள்ளை சம்பவத்தில் சுட்டு பிடிக்கப்பட்ட மூவரில் ஒருவர் உயிரிழந்தார். கோவையில் நடைபெற்ற கொள்ளை சம்பவம் தொடர்பாக நேற்று உத்தரப்பிரதேசத்தைச் சேர்ந்த 3 பேரை காவல்துறையினர் சுட்டுப் பிடித்த நிலையில்...

Video

Join WhatsApp