கோவை: கோவை மத்திய சிறையில் தூய்மைப் பணியாளர்கள் பணியிடங்களுக்கு விண்ணப்பங்கள் வரவேற்கப்படுகிறது.
கோயம்புத்தூர் மத்திய சிறையில் காலியாக உள்ள இரண்டு தூய்மைப் பணியாளர் பணியிடங்களை நிரப்பிட தகுதியான நபர்களிடமிருந்து விண்ணப்பங்கள் வரவேற்கப்படுகின்றன.
இப்பணியிடத்திற்கு 01.07.2026அன்றைய தேதியில் அதிகப்பட்ச வயது வரம்பு General Turn (30) 30 மற்றும் Backward Class (OBCM-32) ஆகும். தமிழில் எழுத மற்றும் படிக்க தெரிந்திருக்க வேண்டும்.
ஒரு ஆண் செவிலி உதவியாளர் பணியிடத்தினை நிரப்பிட தகுதியான நபர்களிடமிருந்து விண்ணப்பங்கள் வரவேற்கப்படுகின்றன. இப்பணியிடத்திற்கு 1.7.2026 அன்றைய தேதியில் அதிகபட்ச வயது வரம்பு (MBC & DNC-32) ஆகும்.
8-ஆம் வகுப்பு கல்வித் தகுதி அல்லது III Form தேர்ச்சி பெற்றிருக்க வேண்டும்.மேற்படி பணியிடங்களுக்கு தகுதியுள்ள நபர்கள் சம்மந்தப்பட்ட சாதிச் சான்றின் ஜெராக்ஸ் நகலுடன் சிறை கண்காணிப்பாளர், மத்திய சிறை, கோயம்புத்தூர்-18 என்ற முகவரியிட்டு 22.10.2026-க்குள் கோயம்புத்தூர் மத்திய சிறையில் கிடைக்கும் வண்ணம் அஞ்சல் மூலம் விண்ணப்பங்களை அனுப்பி வைத்திட கேட்டுக் கொள்ளப்படுகிறது.
மேற்படி தேதிக்கு பின்னர் பெறப்படும் விண்ணப்பங்கள் பரிசீலனைக்கு எடுத்துக் கொள்ளப்பட மாட்டாது. மேற்கண்ட பணியிடத்தினை நிரப்புவதற்கான நேர்முகத் தேர்வின் தேதி மற்றும் நேர விபரம் தகுதியுள்ள விண்ணப்பதாரர்களுக்கு மட்டும் அஞ்சல் மூலம் பின்னர் தெரிவிக்கப்படும் என மத்திய சிறை கண்காணிப்பாளர் செந்தில்குமார் தெரிவித்துள்ளார்.
