கோவை: ஆயுதபூஜை தொடர் விடுமுறையை முன்னிட்டு கோவையிலிருந்து 120 சிறப்பு பேருந்துகள் இயக்கப்பட உள்ளது.
ஆயுதபூஜை வார விடுமுறையை முன்னிட்டு, பயணிகளின் வசதிக்காக கோவையிலிருந்து 120 சிறப்பு பேருந்துகளை இயக்க தமிழ்நாடு அரசு போக்குவரத்துக் கழகத்தின் கோவை மண்டலம் திட்டமிட்டுள்ளது.
ஆயுதபூஜையை முன்னிட்டு வருகின்ற 16-ஆம் தேதி முதல் 18-ஆம் தேதி வரை தொடர் விடுமுறை வருவதால், சொந்த ஊர்களுக்கும் சுற்றுலாத் தலங்களுக்கும் செல்லும் பயணிகளின் எண்ணிக்கை அதிகரிக்க வாய்ப்புள்ளது.
இதனைக் கருத்தில் கொண்டு, கோவை மண்டலத்தின் சார்பில் தினசரி இயக்கப்படும் பேருந்துகளுடன் கூடுதலாக 120 சிறப்பு பேருந்துகளை இயக்க நடவடிக்கை எடுக்கப்பட்டுள்ளது.
கோவையிலிருந்து சென்னை, மதுரை, திருச்சி, சேலம் உள்ளிட்ட முக்கிய நகரங்களுக்கும், தொலைதூரப் பகுதிகளுக்கும் வரும் 16-ஆம் தேதி முதல் சிறப்புப் பேருந்துகள் இயக்கப்பட உள்ளன.
விடுமுறை காலத்தில் பயணிகள் சிரமமின்றிப் பயணம் மேற்கொள்ளும் வகையில் இந்த ஏற்பாடு செய்யப்பட்டுள்ளதாகத் தெரிவிக்கப்பட்டுள்ளது.
