கோவை: பிரான்ஸ் தலைநகர் பாரிஸில் அந்நாட்டு அதிபர் இமானுவல் மேக்ரானை ஈஷா அறக்கட்டளை நிறுவனர் சத்குரு சந்தித்தார். சந்திப்பின்போது எடுத்த புகைப்படத்தை நவம்பர் 10-ஆம் தேதி தனது எக்ஸ் பக்கத்தில் அவர் வெளியிட்டார்.
மேக்ரானை நேரில் சந்தித்ததில் மகிழ்ச்சியும் பெருமையும் அடைந்ததாக சத்குரு தனது பதிவில் தெரிவித்தார். மேலும், தம்மை அன்புடன் வரவேற்று உபசரித்ததற்காக மேக்ரானுக்கு நன்றி தெரிவித்தார்.
இருவரும் என்ன பேசினர் என்பது குறித்த விவரங்கள் அந்தப் பதிவில் இடம்பெறவில்லை.
முன்னதாக, இந்தியா, பிரான்ஸ் மற்றும் பிற நாடுகளில் வாழும் இந்தியர்களுக்கு மேக்ரான் இன்ஸ்டாகிராம் மூலம் தீபாவளி வாழ்த்து தெரிவித்திருந்தார்.
ஒற்றுமை, அமைதி, நம்பிக்கை ஆகியவற்றைப் பேண தீபாவளி ஊக்கமளிக்கட்டும் என்று அவர் தனது வாழ்த்துச் செய்தியில் குறிப்பிட்டிருந்தார்.
A pleasure and an honour to meet you, Your Excellency President Emmanuel Macron. Gratitude for your warmth and hospitality. Much regard & Blessings. – Sg @EmmanuelMacron https://t.co/DqFuJsXA4g
Advertisement— Sadhguru (@SadhguruJV) November 10, 2026
Isha Foundation founder Sadhguru with French President Emmanuel Macron in Paris.
