கோவை: கோவை ELCE Hospital – Gastro & Gyne Care மருத்துவமனையின் தலைவர் மற்றும் தலைமை அறுவை சிகிச்சை நிபுணர் டாக்டர் பி.எஸ். ராஜனுக்கு, அறுவை சிகிச்சை இரைப்பைக் குடலியல் துறையில் அவர் ஆற்றிவரும் மருத்துவச் சேவைகளைப் பாராட்டி, ஆதித்யா டிவி சார்பில் ‘சிறந்த அறுவை சிகிச்சை இரைப்பைக் குடலியல் நிபுணர் விருது – 2026’ வழங்கப்பட்டது.
கோவையில் ஆதித்யா டிவி சார்பில் நடைபெற்ற ‘ஆயுத பூஜை சிறப்பு பட்டிமன்றம்’ நிகழ்ச்சியில் டாக்டர் பி.எஸ். ராஜனுக்கு இந்த விருது வழங்கி கௌரவிக்கப்பட்டது.
பிரபல தமிழ்ப் பேச்சாளர் ராமகிருஷ்ணன், முன்னாள் அரிமா அமைச்சரவைச் செயலாளர் லயன் டாக்டர் பி. ராமசுப்பிரமணியன் மற்றும் ஜனாஷா டிஎன் நிதி லிமிடெட் நிறுவனத்தின் டாக்டர் நந்தகுமார் ஆகியோர் இணைந்து விருதை வழங்கினர்.
MS, DNB, FACS, FICS, FMAS, FAIS உள்ளிட்ட மருத்துவத் தகுதிகளைக் கொண்ட டாக்டர் பி.எஸ். ராஜன், மேம்பட்ட லேப்ராஸ்கோபிக் அறுவை சிகிச்சை, அறுவை சிகிச்சை இரைப்பைக் குடலியல் மற்றும் எண்டோஸ்கோபி உள்ளிட்ட மருத்துவத் துறைகளில் சிறப்பு அனுபவம் பெற்றவர்.
அவரது தலைமையில் செயல்பட்டு வரும் ELCE மருத்துவமனையில் இரைப்பைக் குடல் தொடர்பான நோய்கள் மற்றும் மகளிர் நலப் பிரச்சினைகளுக்கு சிறப்பு மருத்துவச் சிகிச்சைகள் வழங்கப்பட்டு வருகின்றன.
மருத்துவத் துறையில் டாக்டர் பி.எஸ். ராஜன் ஆற்றிவரும் சேவைகளுக்கு கிடைத்துள்ள இந்த அங்கீகாரம், அவரது மருத்துவப் பயணத்தில் முக்கியமான மைல்கல்லாக அமைந்துள்ளது.
விருது பெற்ற டாக்டர் பி.எஸ். ராஜனுக்கு ELCE மருத்துவமனை மருத்துவர்கள் பணியாளர்கள் மற்றும் பொதுமக்கள் வாழ்த்து தெரிவித்துள்ளனர்.
