கோவை: கோயம்புத்தூர் மகளிர் அரசு தொழிற்பயிற்சி நிலையம் 1991 ஆம் ஆண்டு முதல் பயின்று தேர்ச்சி பெற்ற முன்னாள் பயிற்சியாளர்களின் சான்றிதழ்களை டிசம்பர் 15 ஆம் தேதிக்குள் பெற்றுக்கொள்ளலாம்.
கோயம்புத்தூர், மகளிர் அரசு தொழிற்பயிற்சி நிலையத்தில் (மகளிர் ஐடிஐ, கோயம்புத்தூர்) 1991 ஆம் ஆண்டு முதல் பயின்று தேர்ச்சி பெற்ற முன்னாள் பயிற்சியாளர்களின் தொழிற்தேர்வு சான்றிதழ்கள் தற்போது வரை பயிற்சியாளர்களால் பெறப்படாமல் உள்ளன.
எனவே, பயிற்சியாளர்கள் தங்களது தற்காலிக தேசிய தொழிற்சான்றிதழ் (PNTC). தேசிய (NTC), COE (BBBT)/Advanced Module , BCC, ICT Academy சான்றிதழ், SCVT சான்றிதழ், MES TNSDC குறுகியகால பயிற்சி சான்றிதழ்களை 2026 ஆம் ஆண்டு டிசம்பர் 15 ஆம் தேதிக்குள் இத்தொழிற்பயிற்சி நிலையத்திற்கு நேரில் வந்து பெற்று செல்லுமாறு கேட்டுக்கொள்ளுப்படுகிறது.
இச்சான்றிதழ்கள் நீண்டகாலமாக பெறப்படாமல் உள்ளதால், குறிப்பிட்ட தேதிக்குள் சான்றிதழ்களை பொற்று செல்லவில்லையெனில் அரசு ஆவணகாப்பகத்தில் ஒப்படைக்கப்படும் எனவும், அதற்கு பின்பு சான்றிதழ் வேண்டிவருபவர்கள், சென்னையில் உள்ள அரசு ஆவணகாப்பகத்திற்கு நேரில் சென்று சான்றிதழ் பெற்றுச் செல்லும் நிலை ஏற்படும் எனவும் தெரிவித்துக்கொள்ளப்படுகிறது.
தொழிற்சான்றிதழ்கள் பெறவரும் பயிற்சியாளர்கள், இங்கு பயிற்சி பெற்றமைக்கு ஆதரமாக கட்டணம் செலுத்திய இரசீதோ, நுழைவுசீட்டோ, அடையாள அட்டையோ அல்லது தற்காலிக தொழிற்சான்றிதழையோ தவறாமல் எடுத்துக்கொண்டு, வேலை நாள்களில் (காலை 10.00 மணி முதல் மாலை 5.00 மணி வரை) வரும்படி மாவட்ட ஆட்சித்தலைவர் பவன்குமார் கிரியப்பனவர் தெரிவித்துள்ளார்.
