CM சார் நீங்க தான் கெத்து TVK லாம் வெத்து சார்.. தமிழக முதல்வருக்கு பூங்கொத்தி கொடுத்து வாழ்த்து தெரிவித்த சிறுமியின் வீடியோ வைரலாகி வருகிறது.
பரபரப்பு காட்டிய தேர்தல்
தமிழ்நாட்டில் 2026 சட்டமன்ற தேர்தல் கடந்த ஏப்ரல் 23ஆம் தேதி தொடங்கியது. திமுக, அதிமுக, தவெக, நாதக, ராமதாஸ் – சசிகலா என 5 முனைப் போட்டி நிலவியது.
இதனிடையே தேர்தல் நாளன்று 85% க்கு மேல் வாக்குப்பதிவு நடந்துள்ளது முக்கியமானதாக பார்க்கப்படுகிறது. எஸ்ஐஆர் 70 லட்சத்திற்கு மேற்பட்ட வாக்குகள் நீக்கப்பட்டாலும், மக்கள் ஆவலுடன் ஜனநாயக கடமையை ஆற்றியது பெரிதும் பேசப்பட்டு வருகிறது.
உலகமே காத்திருக்கும் நாள்
இந்த நிலையில் யார் வெற்றி பெறப் போகிறார்கள் என மே 4ஆம் தேதி தெரிந்துவிடும். அதற்குள், தவெக தான் ஜெயிக்கும் என அக்கட்சியினரும், அதிமுக, திமுகவுக்கு கடும் போட்டியை தவெக ஏற்படுத்தும் என யூகங்கள் கூறி வருகின்றன.
தேர்தல் முடிந்த கையோடு முதலமைச்சர் ஸ்டாலின், கொடைக்கானலுக்கு தனது குடும்பத்தினருடன் ஓய்வெடுக்க சென்றார். அப்போது செய்தியாளர்கள், திமுகவின் வெற்றி குறித்து கேள்வி எழுப்பிய போது, தம்ஸ் அம்ப் விரலை காட்டி வெற்றி உறுதி என்ற செய்கையை செய்தார்.
சென்னை திரும்பிய முதலமைச்சர்
இந்த நிலையில் நான்கு நாட்கள் ஓய்வு எடுப்பதற்காக கொடைக்கானலுக்கு குடும்பத்துடன் வருகை தந்த முதல்வர் இன்று மீண்டும் சென்னைக்கு கிளம்பினார்.
இங்கிருந்து சாலை மார்க்கமாக மதுரை செல்லும் முதல்வர் அங்கிருந்து தனி விமானம் மூலமாக சென்னைக்கு செல்கிறார்.
சிறுமி கூறிய வார்த்தை!
இந்நிலையில் தங்கும் விடுதியில் இருந்து வெளியே கார் மூலம் வந்த முதல்வர் தங்கும் விடுதி வாசலில் காத்திருந்த சுற்றுலா பயணிகள் மற்றும் பொதுமக்களுடன் பார்வையிடுவதற்காக வாகனத்தை விட்டு கீழே இறங்கி மக்களுடன் புகைப்படம் எடுத்தும் வாழ்த்துக்களையும் பரிமாறி கொண்டனர்.
தங்கும் விடுதியில் இருந்து வெளியே வந்த அவர் காரில் இருந்து வெளியே இறங்கி வந்தபோது பொதுமக்கள் மற்றும் சுற்றுலா பயணிகள் உற்சாகமாக வழி அனுப்பி வைத்தனர்.
இந்நிலையில் அவரை சந்திக்க வந்திருந்த சிறுமி CM சார் நீங்க தான் கெத்து TVK லாம் வெத்து சார் என்று தமிழக முதல்வருக்கு பூங்கொத்து கொடுத்து வாழ்த்து தெரிவித்தார். சிறுமி கூறியது கவனத்தை ஈர்த்துள்ளது.
