கோவை: கோவை மாவட்டத்தில் கடந்த 24 மணி நேரத்தில் மொத்தம் 672.80 மில்லி மீட்டர் மழை பதிவாகியுள்ளது. இதில் மேட்டுப்பாளையத்தில் அதிகபட்சமாக 145 மில்லி மீட்டர் மழை பெய்துள்ளது. மாவட்டத்தின் சராசரி மழையளவு 29.25 மில்லி மீட்டராக உள்ளது.
கோவை மாவட்டத்தில் நேற்று காலை 7.30 மணி முதல் இன்று காலை 7.30 மணி வரையிலான மழைப்பொழிவு விவரங்கள் வெளியாகியுள்ளன. அதன்படி, மேட்டுப்பாளையத்தில் 145 மி.மீ. மழை பதிவாகி முதலிடத்தில் உள்ளது. பில்லூர் அணைப் பகுதியில் 90 மி.மீ. மழையும், சிறுவாணி அடிவாரத்தில் 85 மி.மீ. மழையும், பெரியநாயக்கன்பாளையத்தில் 71 மி.மீ. மழையும் பதிவாகியுள்ளன.
தொண்டாமுத்தூரில் 42 மி.மீ., அன்னூரில் 38 மி.மீ., சின்னக்கல்லாரில் 29 மி.மீ. மற்றும் சின்கோனா பகுதியில் 26 மி.மீ. மழை பெய்துள்ளது. வால்பாறை பி.ஏ.பி. பகுதியில் 18 மி.மீ. மழை பதிவாகியுள்ளது.
தமிழ்நாடு வேளாண்மைப் பல்கலைக்கழக சுற்றுவட்டாரப் பகுதிகளில் 20 மி.மீ. மழையும், பொள்ளாச்சி தாலுகாவில் 15 மி.மீ. மழையும் பதிவாகியுள்ளன. கோவை தெற்கு தாலுகா பகுதியில் 12 மி.மீ. மழை பெய்துள்ளது. போத்தனூர் ரயில் நிலைய சுற்றுவட்டாரப் பகுதிகளில் 8.60 மி.மீ. மழையும், கிணத்துக்கடவு தாலுகாவில் 7.20 மி.மீ. மழையும் பதிவாகியுள்ளன.
கோவை விமான நிலையப் பகுதியில் 6.40 மி.மீ. மழை பதிவாகியுள்ளது. அதேசமயம், சூலூர் மற்றும் வாரப்பட்டி பொதுப்பணித்துறை அலுவலகப் பகுதிகளில் மழை பதிவாகவில்லை.
மாவட்டத்தின் பல்வேறு பகுதிகளில் மழைப்பொழிவு காணப்பட்ட நிலையில், மேட்டுப்பாளையத்தில் அதிகபட்ச மழை பதிவாகியுள்ளது. பில்லூர் அணை மற்றும் சிறுவாணி அடிவாரப் பகுதிகளிலும் குறிப்பிடத்தக்க அளவில் மழை பெய்துள்ளது.
