கோவை: தமிழக வெற்றி கழகம் அதிக தொகுதிகளில் வெற்றி பெற்றதை அக்கட்சியின் வழக்கறிஞர் அணியினர் பட்டாசு வெடித்தும் இனிப்புகள் வழங்கியும் கொண்டாடினர்.
2026 சட்டமன்ற தேர்தல் வாக்கு எண்ணிக்கை நேற்று நடைபெற்றதில் 108 தொகுதிகளில் தமிழக வெற்றி கழகம் வெற்றி பெற்றது. கடந்த கால அரசியலில் திராவிட கட்சிகள் மட்டுமே மாறி மாறி வெற்றி பெற்று வந்த நிலையில் இந்த முறை தமிழக வெற்றி கழகம் வெற்றி பெற்றது தமிழக அரசியல் வரலாற்றில் பேசு பொருளாக மாறி உள்ளது.
விஜய் வெற்றி பெற்றதை கட்சி தொண்டர்கள் பொதுமக்கள் பலரும் வெகு விமர்சையாக கொண்டாடி வருகின்றனர் அதன் ஒரு பகுதியாக கோவை நீதிமன்ற வாயில் முன்பு தமிழக வெற்றி கழகம் கட்சி வழக்கறிஞர் அணியினர் பட்டாசு வெடித்தும் பொதுமக்களுக்கு இனிப்புகள் வழங்கியும் கொண்டாடினர்.
நீதிமன்ற நுழைவாயில் முன்பு நீண்ட சரவெடியை வெடித்து கொண்டாடிய அவர்கள் அவ்வழியாகச் சென்ற பொது மக்களுக்கும் வாகன ஓட்டுகளுக்கும் இனிப்புகளை வழங்கி TVK TVK என முழக்கமிட்டு தமிழகத்தின் முதல்வர் விஜய் என்று முழக்கங்களை எழுப்பி உற்சாகத்தை வெளிப்படுத்தினர்.
