கோவை : கோவை சுகுணாபுரம் மைல்கல் பகுதியில் ஸ்கூட்டர் மீது கார் மோதிய விபத்தில் படுகாயமடைந்த 61 வயது முதியவர், மருத்துவமனையில் சிகிச்சை பலனின்றி உயிரிழந்தார்.
கோவை மதுக்கரை மரப்பாலம் ராஜேஷ்வரி நகரைச் சேர்ந்தவர் கிருஷ்ணகுமார் (61). இவர் கடந்த 11-ம் தேதி பாலக்காடு மெயின்ரோட்டில் உள்ள சுகுணாபுரம் மைல்கல் பகுதியில் ஸ்கூட்டரில் சென்று கொண்டிருந்தார்.
அப்போது, அந்த வழியாக வந்த கார் எதிர்பாராதவிதமாக கிருஷ்ணகுமார் ஓட்டிச் சென்ற ஸ்கூட்டர் மீது மோதியது. இதில் அவர் தூக்கி வீசப்பட்டு பலத்த காயமடைந்தார். விபத்தைப் பார்த்த அப்பகுதி மக்கள், காயமடைந்த கிருஷ்ணகுமாரை மீட்டு அருகிலுள்ள தனியார் மருத்துவமனைக்கு அனுப்பி வைத்தனர்.
அங்கு அவருக்கு தீவிர சிகிச்சை அளிக்கப்பட்டு வந்தது. இருப்பினும், சிகிச்சை பலனின்றி நேற்று அவர் பரிதாபமாக உயிரிழந்தார். இந்தச் சம்பவம் அவரது குடும்பத்தினரிடையே சோகத்தை ஏற்படுத்தியுள்ளது.
இதுகுறித்து கோவை மாநகர போக்குவரத்து மேற்கு பிரிவு போலீசார் வழக்குப்பதிவு செய்தனர். மேலும், விபத்தில் சம்பந்தப்பட்ட கார் குறித்தும், விபத்து எவ்வாறு நிகழ்ந்தது என்பது குறித்தும் விசாரணை நடத்தி வருகின்றனர்.
பாலக்காடு மெயின்ரோட்டில் வாகனப் போக்குவரத்து அதிகமாக இருக்கும் நிலையில், சுகுணாபுரம் மைல்கல் பகுதியில் நிகழ்ந்த ந்த விபத்தில் முதியவர் உயிரிழந்த சம்பவம் சோகத்தை ஏற்படுத்தியுள்ளது.
