கோவை: மகளிர் தினத்தையொட்டி Fun Republic Mall-ல் நடைபெற்ற போட்டிகளில் கலந்து கொண்டு கோவை பெண்கள் தங்களது திறமைகளை வெளிப்படுத்தினர்.
உலகம் முழுவதும் மார்ச் 8ம் தேதி மகளிர் தினம் கொண்டாடப்பட்டது. இந்த தினத்தை முன்னிட்டு கோவை அவினாசி சாலையில் உள்ள Fun Republic Mall நிர்வாகம் சார்பில் பல்வேறு போட்டிகள் நடத்தப்படுவதாக அறிவிக்கப்பட்டது.
அதன்படி, மார்ச் 15ம் தேதி “Let’s Celebrate Her” என்ற சிறப்பு விழா நடைபெற்றது. இந்த விழாவில், பெண்களுக்கான மெஹந்தி போட்டி, ரங்கோலி போட்டி, மேக்-ஓவர் போட்டி மற்றும் Fashion Walk உள்ளிட்ட போட்டிகள் நடைபெற்றன.
வெவ்வேறு போட்டிகளிலும் கோவை மட்டுமல்லாது, அண்டை மாவட்டங்களைச் சேர்ந்த பெண்களும் கலந்து கொண்டு தங்களது திறமைகளை வெளிப்படுத்தினர்.
போட்டிகளில் வெற்றி பெற்றவர்களுக்கு Fun Republic Mall பொது மேலாளர் பாலசுப்ரமணியம் ரூ.40 ஆயிரம் மதிப்பிலான பரிசுகள் மற்றும் கேடயங்களை வழங்கினார்.
இதுகுறித்து News Clouds Coimbatore-இடம் பாலசுப்ரமணியம் கூறுகையில், இரண்டாவது ஆண்டாக இந்த நிகழ்ச்சியை நடத்துகிறோம். கடந்தாண்டை விட இந்த ஆண்டு அதிக பெண்கள் கலந்து கொண்டனர்.
ஒவ்வொருவரும் தங்களது துறையில் அசாத்திய திறமைகளை வெளிப்படுத்தினர். மாதந்தோறும் Fun Republic Mall-ல் வெவ்வேறு விதமான போட்டிகளை நடத்தி வருகிறோம்” என்றார்.
