கோவை: கோவையில் சாலையோரம் நின்ற பைக்கில் ஏறி பயணிக்க முயன்ற அண்ணாமலையிடம், நான் அங்கு போகவில்லை அண்ணா என்று வாகன ஓட்டி ஒருவர் கூறிய வீடியோ வைரலாகி வருகிறது.
கோவை வடக்குத் தொகுதி பாஜக வேட்பாளர் வானதி சீனிவாசன் இன்று அரசினர் பொறியியல் கல்லூரி அருகே உள்ள தேர்தல் அலுவலகத்தில் வேட்புமனுத் தாக்கல் செய்தார்.
இதற்காக பாஜக முன்னாள் தலைவர் அண்ணாமலையும் வந்திருந்தார். அப்போது தேர்தல் அலுவலகத்தின் 100 மீட்டருக்கு முன்பு அண்ணாமலையின் கார் தடுத்து நிறுத்தப்பட்டது.
அப்போது அங்கிருந்து பரபரப்பாக நடந்து வந்த அண்ணாமலை, உடனடியாக அருகில் சாலையோரம் நின்று வேடிக்கை பார்த்துக் கொண்டிருந்தவரின் பைக்கில் ஏற முயன்றார்.
அப்போது அந்த நபர், நான் அங்க போகல அண்ணா என்று தெரிவிக்க, ஓ நீங்க அங்க போகலையா என்று சமாளித்தபடி, அருகில் நின்ற மற்றொருவரின் வாகனத்தில் ஏறி பயணித்தார்.
இந்த வீடியோ காட்சிகள் வெளியாகி தற்போது வைரலாகி வருகிறது.
