கோவை: கோவையில் மழைநீர் வடிகால் பணிகளை மாநகராட்சி ஆணையாளர் ஆய்வு மேற்கொண்டார்.
கோயம்புத்தூர் மாநகராட்சி வடக்கு மண்டலத்திற்கு உட்பட்ட பகுதிகளில், அமைந்துள்ள மழைநீர் வடிகால் பணிகள் குறித்து மாநகராட்சி ஆணையாளர் கட்டா ரவி தேஜா பார்வையிட்டு, ஆய்வு மேற்கொண்டார்.
கோயம்புத்தூர் மாநகராட்சி, வடக்கு மண்டலத்திற்கு உட்பட்ட பகுதிகளில் அமைந்துள்ள மழைநீர் வடிகால் பணிகள் குறித்து மாநகராட்சி ஆணையாளர் கட்டா ரவி தேஜா நேரில் பார்வையிட்டு, ஆய்வு மேற்கொண்டார்.
கோயம்புத்தூர் மாநகராட்சி, வடக்கு மண்டலம், வார்டு எண்.19-க்கு உட்பட்ட மணியகாரம்பாளையம் பகுதியில் உள்ள நல்லாம்பாளையம் சாலையில் கவுண்டம்பாளையம், வடவள்ளி மற்றும் வீரகேரளம் பகுதிகளுக்கு, குடிநீர் விநியோகத்தின் இடைவெளியை குறைப்பது தொடர்பாக மாநகராட்சி ஆணையாளர் நேரில் பார்வையிட்டு, ஆய்வு மேற்கொண்டார்.
அதனைத் தொடர்ந்து, மாநகராட்சி ஆணையாளர், வடக்கு மண்டலம், வார்டு எண்.30-க்கு உட்பட்ட சித்தா தோட்டப் பகுதியில் உள்ள மழைநீர் வடிகால் செல்லும் வழியில் அடைப்பு ஏற்பட்டுள்ளதையும், வார்டு எண்.28-க்கு உட்பட்ட ஆவாரம்பாளையம், சோபா நகர், பட்டாளம்மன் கோவில் வீதி பகுதியில் உள்ள மழைநீர் வடிகாலில் தடையின்றி நீர் செல்லும் வகையில் சரிசெய்யவும் சம்மந்தப்பட்ட அலுவலர்களுக்கு அறிவுறுத்தினார்.
மேலும், மாநகராட்சி ஆணையாளர் அவர்கள், வார்டு எண்.27-க்கு உட்பட்ட ஆவாரம்பாளையம் பிரதான சாலை, பன்னாரியம்மன் கோவில் வீதி பகுதியில், மழைநீர் வடிகால் அமைக்க உரிய திட்ட மதிப்பீடு தயாரிக்க சம்மந்தப்பட்ட அலுவலர்களுக்கு அறிவுறுத்தினார்.
