கோவை: கணுவாய் பகுதியில் மருந்து கடை ஒன்றில் திடீரென தீ விபத்து ஏற்பட்டதில் 10 லட்சம் ரூபாய் மதிப்பிலான மருந்துகள் மற்றும் இதர பொருள்கள் தீயில் எரிந்து நாசமாகின.
Advertisement
கோவை கணுவாய் பகுதி VMT நகரில் தனியார் மருந்து கடை ஒன்று செயல்பட்டு வருகிறது. இந்நிலையில் இரவு கடை பூட்டி இருந்த போது திடீரென தீ விபத்து ஏற்பட்டுள்ளது. அதனைப் பார்த்த அக்கம்பக்கத்தினர் உடனடியாக தீயணைப்பு துறையினருக்கு தகவல் அளித்தனர்.
சம்பவ இடத்திற்கு விரைந்து வந்த தீயணைப்பு துறையினர் சுமார் ஒரு மணி நேரம் போராடி தீயை கட்டு கொண்டு வந்து அணைத்தனர்.
தீ விபத்து காரணமாக மருந்து கடையில் இருந்த சுமார் 10 லட்சம் ரூபாய் மதிப்பிலான மருந்துகள் மற்றும் இதர பொருட்கள் தீயில் கருகி சேதம் அடைந்ததாக கூறப்படுகிறது.
Advertisement
முதற்கட்ட விசாரணையில் மின் கசிவு காரணமாக தீ விபத்து ஏற்பட்டு இருக்கலாம் என்று கூறப்படும் நிலையில் இது குறித்து காவல்துறையினர் விசாரணை மேற்கொண்டு வருகின்றனர். இரவு நேரம் என்பதால் உயிர் சேதம் எதுவும் ஏற்படவில்லை.
