கோவை: கோவை நிகழ்ச்சிகளில் பங்கேற்க பிரதமர் மோடி- முதலமைச்சர் ஸ்டாலின் அடுத்தடுத்து வர உள்ளதை அடுத்து, பாதுகாப்பு ஏற்பாடுகள் குறித்து போலீசார் , அதிகாரிகள் ஆலோசனை மேற்கொண்டு வருகின்றனர்.
கோவைக்கு வருகிற 19 ஆம் தேதி பிரதமர் நரேந்திர மோடி வருகிறார். கோவை கொடிசியாவில் நடைபெறும் வேளாண் விஞ்ஞானிகள் மாநாட்டில் அவர் பங்கேற்க உள்ளார். இதில் சிறந்த விஞ்ஞானிகளுக்கு பிரதமர் மோடி விருதுகள் வழங்குகிறார்.
அதேபோன்று வருகிற 26 ஆம் தேதி தமிழக முதலமைச்சர் மு க. ஸ்டாலின் கோவை வர உள்ளார். கோவை மத்திய சிறைச்சாலை அருகே புதிதாக கட்டப்பட்டு வரும் செம்மொழி பூங்கா வை முதலமைச்சர் மு.க .ஸ்டாலின் 26 ஆம் தேதி திறந்து வைக்க உள்ளார்.
கோவைக்கு அடுத்தடுத்து பிரதமர் மோடி மற்றும் முதலமைச்சர் மு. க. ஸ்டாலின் வருகை தர உள்ளதால் பாதுகாப்பு ஏற்பாடுகள் குறித்து கோவை மாநகர போலீசார் மற்றும் கோவை விமான நிலைய பாதுகாப்பு பிரிவு போலீசார் மற்றும் அதிகாரிகள் ஆலோசனை நடத்த உள்ளனர்
இதில் பிரதமர் மோடி பங்கேற்கும் நிகழ்ச்சி ஏற்பாடுகள் மற்றும் பாதுகாப்பு ஏற்பாடுகள் குறித்து ஆலோசனை நடத்த உள்ளனர். அதேபோன்று முதலமைச்சர் மு க. ஸ்டாலின் நிகழ்ச்சி பாதுகாப்பு ஏற்பாடுகள் குறித்தும் ஆலோசனை நடைபெற உள்ளது.
பிரதமர் மோடி பங்கேற்க உள்ள நிகழ்ச்சி நடைபெறும் கொடிசியா பகுதி விரைவில் போலீசாரின் கட்டுப்பாட்டுக்குள் கொண்டு வரப்பட உள்ளது. பிரதமர் மோடி வந்து செல்லும் பாதைகள் பாதுகாப்பு ஏற்பாடுகள் குறித்தும் ஆலோசனை செய்யப்பட உள்ளது.