கோவை: கோவையில் சித்ரா பெளர்ணமியை முன்னிட்டு சிகரம் கலைக்குழுவினரின் வள்ளிக்கும்மி நிகழ்ச்சி நடைபெற்றது.
கோவை துடியலூர் அருகே ஜங்கமனநாயக்கன்பாளையத்தில் சித்ரா பெளர்ணமியை ஒட்டி ராஜ கணபதி திருக்கோவிலில் சிகரம் கலைக்குழுவினரின் வள்ளி கும்மி அரங்கேற்ற நிகழ்ச்சி நடைபெற்றது.
இதில் 50 க்கும் மேற்பட்ட பெண்கள், ஆண்கள் மற்றும் சிறுமியர்கள் ஒரே மாதிரியான உடையணிந்து பாரம்பரிய நாட்டுப்புற பாடல்களுக்கு தொடர்ந்து 3 மணி நேரம் நடனமாடி அசத்தினர்.
நாட்டுப்புற கலையான வள்ளி கும்மியை வளர்க்கும் நோக்கில் கோவையைச் சேர்ந்த சிகரம் கலைக்குழுவினரிடம் ஜங்கமநாயக்கன்பாளையம் மற்றும் சர்வோதய காலனி பகுதிகளைச் சேர்ந்த 50க்கும் மேற்பட்டோர் கடந்த 2 மாதங்களாக பயிற்சி எடுத்து வந்தனர்.
இதையடுத்து சித்ரா பெளர்ணமியை முன்னிட்டு ஜங்கமநாயக்கன்பாளையம் ராஜ கணபதி திருக்கோவிலில் சிகரம் கலைக்குழுவினரின் வள்ளி கும்மி அரங்கேற்ற நிகழ்ச்சி நடைபெற்றது. இதில் 50க்கும் மேற்பட்ட பெண்கள் ஒரே மாதிரியான உடையணிந்து பாரம்பரிய நாட்டுப்புற பாடல்களுக்கு தொடர்ந்து 3 மணி நேரம் நடனமாடி அசத்தினர்.
