இன்று எப்படி இருக்கும்? 12 ராசிகளுக்கான ராசிபலன்!

வார இறுதி நாளான இன்று, கிரக நிலைகளின் சஞ்சாரம் மற்றும் நட்சத்திரங்களின் பார்வையின் அடிப்படையில் 12 ராசிகளின் வாழ்க்கை முறை எவ்வாறு அமையப் போகிறது என்பதற்கான விரிவான கணிப்புகள் இதோ. இன்றைய தினம் சதயம் மற்றும் பூரட்டாதி நட்சத்திரக்காரர்களுக்கு சந்திராஷ்டமம் நிலவுவதால், அவர்கள் அன்றாட முடிவுகளிலும் செயல்பாடுகளிலும் நிதானத்தைக் கடைப்பிடிப்பது அவசியமாகும்.

சந்திராஷ்டம எச்சரிக்கை: கும்ப ராசியைச் சேர்ந்த சதயம் மற்றும் பூரட்டாதி நட்சத்திர அன்பர்கள் இன்று தேவையற்ற பயணங்களைத் தவிர்க்க வேண்டும்.

பணம் கொடுக்கல் வாங்கல் விஷயங்களில் உறவினர்களாக இருந்தாலும் எச்சரிக்கையுடன் செயல்படுவது நல்லது. வேல இடத்தில் சக ஊழியர்களிடம் உணர்ச்சிவசப்பட்டுப் பேசுவதைத் தவிர்க்கவும். அமைதியும் சகிப்புத்தன்மையுமே இன்றைய நாளை எவ்விதத் தடங்கலும் இன்றி கடக்க உதவும்.

Advertisement

மேஷம் (Aries):

தொழில் நுட்பம் மற்றும் தகவல் தொடர்புத் துறையில் இருப்பவர்களுக்கு புதிய வாய்ப்புகள் தேடி வரும். கூட்டு வியாபாரத்தில் நிலவி வந்த குழப்பங்கள் நீங்கி தெளிவு பிறக்கும். பிள்ளைகளின் உயர்கல்வி சேர்க்கைக்கான முயற்சிகள் சாதகமான முடிவைத் தரும். எதிர்பாராத சுபச்செலவுகள் ஏற்பட்டாலும், அதற்கு ஏற்ற வருமானம் கைக்கு வந்து சேரும். தியானம் மற்றும் யோகா செய்வதன் மூலம் உடல் சோர்வை அகற்றலாம்.

Advertisement

ரிஷபம் (Taurus):

இன்று அலுவலகப் பணிகளில் உங்கள் திறமைக்கு உரிய அங்கீகாரம் கிடைக்கும். பூர்வீகச் சொத்துக்களை விற்பனை செய்யும் முயற்சியில் நல்ல லாபம் தரும் ஒப்பந்தங்கள் கையெழுத்தாகும். தம்பதியரிடையே பரஸ்பர நம்பிக்கையும் அன்பும் மேலோங்கும். நீண்ட நாட்களாகத் திட்டமிட்ட ஆன்மீகத் தலங்களுக்குச் சென்று வரும் யோகம் உண்டாகும். ஆரோக்கியத்தில் இருந்த சிறு உபாதைகள் நீங்கி புத்துணர்ச்சி பெறுவீர்கள்.

மிதுனம் (Gemini):

இன்று வியாபார விரிவாக்கத்திற்காக நீங்கள் எடுக்கும் முதலீட்டு முயற்சிகள் வெற்றியில் முடியும். கடன் சுமைகளைக் குறைக்க நீங்கள் மேற்கொள்ளும் திட்டங்கள் நல்ல பலனைத் தரும். வெளிநாட்டில் வசிக்கும் உறவினர்களிடம் இருந்து சுபச் செய்திகள் வந்து சேரும். காதலிப்பவர்களுக்குப் பெற்றோரின் சம்மதம் கிடைக்க வாய்ப்புள்ளது. உடற்பயிற்சி மற்றும் உணவுப் பழக்கத்தில் சீரான கட்டுப்பாட்டைப் பின்பற்றுவது ஆரோக்கியத்திற்கு நல்லது.

கடகம் (Cancer):

பணியிடத்தில் மேலதிகாரிகளின் பாராட்டும் ஆதரவும் உங்களுக்கு மனநிறைவைத் தரும். கலை மற்றும் ஊடகத் துறையினருக்கு புதிய பிராஜெக்ட்டுகள் கைகூடி வரும். குடும்பத்தில் நீண்ட நாளாக இருந்த மனக்கசப்புகள் மறைந்து சுபிட்சம் நிலவும். வாகனப் பராமரிப்புச் செலவுகள் வரக்கூடும் என்பதால் கவனமாக இருக்கவும். மாலையில் குலதெய்வ வழிபாடு செய்வது மனதிற்கு மேலும் அமைதியைத் தரும்.

சிம்மம் (Leo):

இன்று உங்களுக்குத் தனவரவு திருப்திகரமாக இருக்கும். புதிய சொத்துக்கள் அல்லது வீட்டு உபயோகப் பொருட்களை வாங்கி மகிழ்வீர்கள். தொழில் கூட்டாளிகளுடன் இருந்துவந்த கருத்து வேறுபாடுகள் மறைந்து இணக்கமான சூழல் உருவாகும். போட்டித் தேர்வுகளுக்குத் தயாராகும் மாணவர்களுக்குக் கடின உழைப்பிற்கு ஏற்ற பலன் கிடைக்கும். வயிறு தொடர்பான சிறு கோளாறுகள் வரலாம் என்பதால் வெளி உணவுகளைத் தவிர்க்கவும்.

கன்னி (Virgo):

உத்தியோகத்தில் உங்களுக்கான பொறுப்புகளும் அதிகாரங்களும் அதிகாரப்பூர்வமாக உயரும். சகோதர வழியில் எதிர்பார்த்த நிதி உதவிகள் தடையின்றி கைக்கு வந்து சேரும். வாழ்க்கைத்துணையின் ஆலோசனைகள் உங்கள் தொழில் வளர்ச்சிக்கு பெரிதும் உதவும். நீண்ட தூரப் பயணங்களைத் திட்டமிடுவீர்கள். எலக்ட்ரானிக் சாதனங்களைக் கையாளும் போது எச்சரிக்கை தேவை. தினசரி உடற்பயிற்சி உங்களுக்கு நேர்மறை ஆற்றலைத் தரும்.

துலாம் (Libra):

வியாபாரத்தில் புதிய வாடிக்கையாளர்களின் வருகையால் வருமானம் இரட்டிப்பாகும். கடன் பிரச்சனைகளைத் தீர்க்க புதிய வழிகள் தென்படும். குடும்பத்தினருடன் வார இறுதியைக் மகிழ்ச்சியாகக் கழிப்பீர்கள். சுப நிகழ்ச்சிகளுக்கான திட்டமிடல் சுமுகமாக நடக்கும். வழக்கு விஷயங்களில் உங்களுக்குச் சாதகமான முடிவுகள் வர வாய்ப்புள்ளது. சத்தான உணவுகளை உண்பதன் மூலம் உடலின் நோய் எதிர்ப்பு சக்தியை அதிகரிக்கலாம்.

விருச்சிகம் (Scorpio):

இன்று உங்களின் பேச்சுத்திறமையால் காரியங்களைச் சாதித்துக் கொள்வீர்கள். புதிய தொழில் தொடங்குவதற்கான வங்கி நிதியுதவிகள் எளிதில் கிடைக்கும். மேலதிகாரிகளுடன் நிலவிய அனாவசிய உராய்வுகள் முற்றிலுமாக மறையும். மாணவர்களுக்குப் படிப்பில் அக்கறையும் கவனமும் கூடும். பயணங்களின் போது கவனமுடன் இருப்பது நல்லது. மாலையில் ஆன்மீக நூல்களை வாசிப்பது மனதிற்குத் தெளிவைத் தரும்.

தனுசு (Sagittarius):

இன்றைய தினம் நீங்கள் எடுக்கும் ஒவ்வொரு முயற்சியிலும் வெற்றி உங்களைத் தேடி வரும். அலுவலகத்தில் நிலுவையில் இருந்த பணிகளை விரைந்து முடிப்பீர்கள். நிலம் மற்றும் ரியல் எஸ்டேட் துறையினருக்கு நல்ல லாபம் கிடைக்கும். நண்பர்கள் மூலமாகச் சாதகமான நற்செய்திகள் கிடைக்கும். தம்பதியருக்குள் அன்யோன்யம் அதிகரிக்கும். ஆரோக்கியத்தில் நல்ல முன்னேற்றம் காணப்படும் என்பதால் பயம் தேவையில்லை.

மகரம் (Capricorn):

இன்று நிதி விஷயங்களில் மிக எச்சரிக்கையாக இருக்க வேண்டிய நாளாகும். உத்தியோகத்தில் கூடுதல் பணிச்சுமை காரணமாகச் சோர்வு ஏற்படலாம். தேவையற்ற வாக்குவாதங்களைத் தவிர்த்து அமைதி காப்பது நல்லது. குடும்பத்தில் வயதானவர்களின் உடல்நலத்தில் கவனம் செலுத்தவும். ஆன்மீக காரியங்களில் ஈடுபாடு காட்டுவது மன பாரத்தைக் குறைக்கும். சுப காரிய பேச்சுகளை சில நாட்கள் தள்ளி வைப்பது நல்லது.

கும்பம் (Aquarius):

இன்று உங்கள் ராசிக்கு சந்திராஷ்டமம் நிலவுவதால் எதிலும் அவசரப்படாமல் நிதானமாகச் செயல்பட வேண்டும். புதிய முதலீடுகளையோ அல்லது ஒப்பந்தங்களில் கையெழுத்திடுவதையோ தள்ளிவைக்கவும். பேச்சிலும் செயிலும் பொறுமை அவசியம். வாகனங்களில் செல்லும்போது வேகம் வேண்டாம். முக்கிய முடிவுகளை எடுப்பதை இன்று தவிர்க்கவும். மாலையில் வழிபாடுகளில் ஈடுபடுவது அனைத்துத் தடைகளையும் போக்கும்.

மீனம் (Pisces):

இன்று ஆன்மீகப் பயணங்கள் மற்றும் புனித தலங்களுக்குச் செல்லும் வாய்ப்பு உருவாகும். சொந்தத் தொழில் செய்வோருக்கு எதிர்பார்த்ததை விட கூடுதல் வர்த்தகம் நடக்கும். வாழ்க்கைத் துணையுடன் இருந்த மனஸ்தாபங்கள் நீங்கும். நண்பர்கள் வட்டாரத்தில் உங்கள் மதிப்பும் மரியாதையும் கூடும். சேமிப்புத் திட்டங்களில் முதலீடு செய்ய உகந்த நாள். உடல் ஆரோக்கியம் சீராகவும் சுறுசுறுப்பாகவும் இருக்கும்.