கோவை: கோவை மாவட்ட மகளிர் திட்டத்தின் கீழ், மாவட்ட வளப் பயிற்றுநர் (பண்ணை சாரா) பணியிடத்தை நிரப்புவதற்குத் தகுதியானவர்களிடம் இருந்து விண்ணப்பங்கள் வரவேற்கப்படுகின்றன.
இந்தப் பணியிடத்துக்கு விண்ணப்பிப்பவர்கள் எம்.பி.ஏ., எம்.எஸ்.டபிள்யூ. உள்ளிட்ட முதுகலைப் பட்டம் பெற்றிருக்க வேண்டும். விண்ணப்பதாரர்களின் வயது 30 முதல் 60 வயதுக்குள் இருக்க வேண்டும். மேலும், தொழில் முனைவோர் மேம்பாடு, அரசு திட்டங்கள், தன்னார்வ அமைப்புகள் அல்லது தனியார் நிறுவனங்களில் குறைந்தபட்சம் 5 ஆண்டுகள் பணி அனுபவம் பெற்றிருக்க வேண்டியது அவசியம்.
இந்த வேலைவாய்ப்புக்கு விண்ணப்பிக்க விரும்புவோர் தங்களது கல்விச் சான்றிதழ்கள் மற்றும் பணி அனுபவச் சான்றிதழ்களுடன் விண்ணப்பிக்க வேண்டும். பூர்த்தி செய்யப்பட்ட விண்ணப்பங்களை நவம்பர் 13ஆம் தேதி மாலை 5.45 மணிக்குள் சமர்ப்பிக்க வேண்டும்.
விண்ணப்பங்களை, செயலாளர், கோயம்புத்தூர் மாவட்ட மகமை, வட்டார வளர்ச்சி அலுவலகம், மதுக்கரை என்ற முகவரிக்கு அனுப்பலாம். மேலும், makamaikovai@gmail.com என்ற மின்னஞ்சல் முகவரிக்கும் விண்ணப்பங்களை அனுப்பி வைக்கலாம்.
தகுதியும் விருப்பமும் உள்ளவர்கள் கடைசி தேதிக்குள் விண்ணப்பித்து இந்த வேலைவாய்ப்பைப் பயன்படுத்திக் கொள்ளலாம்.
