வைக்கோலை சேமித்து வைக்க விவசாயிகளுக்கு அறிவுறுத்தல்- கோவை மாவட்ட ஆட்சித்தலைவர்…

கோவை: கோடைக்காலத்தில் கால்நடை தீவனத் தட்டுப்பாட்டைத் தவிர்க்க வைக்கோலைச் சேமித்து வைக்க விவசாயிகளுக்கு அறிவுறுத்தல் விடுக்கப்பட்டுள்ளது.

கோடை காலத்தில் கால்நடைகளுக்குத் தீவனத் தட்டுப்பாடு ஏற்படுவதைத் தவிர்க்கும் வகையில், அறுவடைக்குப் பின் கிடைக்கும் நெல் வைக்கோலை முறையாகச் சேகரித்து பாதுகாத்து வைக்குமாறு விவசாயிகள் மற்றும் கால்நடை வளர்ப்பாளர்களுக்கு கோவை மாவட்ட ஆட்சியர் பவன்குமார் அறிவுறுத்தியுள்ளார்.

Advertisement

கால்நடைகளுக்கு பசுந்தீவனத்துடன் வைக்கோலும் முக்கிய உலர் தீவனமாகப் பயன்படுகிறது. குறிப்பாக, நெல் அறுவடைக்குப் பிறகு அதிக அளவில் கிடைக்கும் வைக்கோல், மாடுகள் உள்ளிட்ட கால்நடைகளுக்கு முக்கிய தீவன ஆதாரமாக உள்ளது. எனவே, அறுவடைக் காலத்தில் வைக்கோலை வீணாக்காமல் சேகரித்து வைத்திருப்பது அவசியமாகும்.

இதுகுறித்து மாவட்ட நிர்வாகம் வெளியிட்டுள்ள அறிவுறுத்தலில், கால்நடை தீவனத் தேவையை கருத்தில் கொண்டு, விவசாயிகள் தரமான நெல் வைக்கோலைப் பாதுகாத்து வைக்க வேண்டும். வைக்கோலைத் தீவனமாகப் பயன்படுத்துவதற்கு ஏற்ற வகையில் கட்டுகளாகக் கட்டி, முறையாகச் சேமிக்க வேண்டும் எனத் தெரிவிக்கப்பட்டுள்ளது.

Advertisement

மேலும், அறுவடைக்குப் பிறகு வயல்களில் வைக்கோல் எரிக்கப்படுவதையோ அல்லது வீணாக்கப்படுவதையோ தவிர்த்து, சேகரித்து பாதுகாப்பான இடங்களில் சேமிக்க வேண்டும்.

விவசாய உற்பத்தியாளர் அமைப்புகள் (FPO), சுய உதவிக் குழுக்கள் (SHG), பால் உற்பத்தியாளர் கூட்டுறவு சங்கங்கள் மற்றும் சமூக அமைப்புகள் இணைந்து வைக்கோல் சேகரிப்பு, ஒருங்கிணைப்பு மற்றும் சேமிப்புப் பணிகளை மேற்கொள்ளவும் அறிவுறுத்தப்பட்டுள்ளது.

Advertisement

வரும் மாதங்களில் ஏற்படக்கூடிய கால்நடைத் தீவனத் தட்டுப்பாட்டைத் தவிர்த்து, கால்நடைகளுக்குத் தேவையான தீவனத்தை உறுதி செய்யும் நோக்கில் இந்த நடவடிக்கைகள் மேற்கொள்ளப்படுவதாக மாவட்ட ஆட்சியர் பவன்குமார் தெரிவித்துள்ளார்.

Flipkart Link 1
Prakash N
Prakash Nhttps://www.newscloudscoimbatore.com
Prakash is a journalist with 4 years of experience in the media field. Passionate about journalism, he has been working with Newsclouds Coimbatore for the past 2 years, focusing on Coimbatore-centric news. His reporting emphasizes ground-level stories, accuracy, and issues that directly impact the local community.

Recent News

கார்த்திகையும்… ஐயப்ப விரதமும்… பத்கர்கள் மாலை அணிந்து சபரிமலை செல்வது ஏன்?

கோவை: கார்த்திகை 1ம் தேதி பிறந்துள்ள நிலையில், ஐயப்ப பக்தர்கள் மாலை அணிந்து, விரதம் இருப்பது ஏன்? அதற்கான காரணங்கள் என்னென்ன? என்பது குறித்து இந்த செய்தி தொகுப்பில் காணலாம். தமிழ் மாதங்களில் மிகவும்...

Video

கோவையில் வீட்டை உடைத்த காட்டுயானை- வீடியோ காட்சிகள்…

கோவை: கதிர்நாயக்கன்பாளையத்தில் காட்டு யானை வீட்டை சேதப்படுத்திய காட்சி வெளியாகி உள்ளது. கோவை மாவட்டத்தில் வனவிலங்குகள் நடமாட்டம் மேற்கு தொடர்ச்சி மலை ஒட்டிய பகுதிகளில் அதிக அளவு உள்ளது. அடிக்கடி வனப்பகுதியில் இருந்து...