கோவை : கோவை பட்டணம் பகுதியைச் சேர்ந்த ‘கார்ஸ் 327’ நிறுவனம் சார்பில், மூன்றாவது மாநில அளவிலான மெகா யூஸ்டு கார் மாநாடு அவிநாசி சாலை தொட்டிபாளையம் பிரிவில் இன்று கோலாகலமாகத் தொடங்கியது. குறைந்த விலை கார்கள் முதல் உயர்ரக கார்கள் வரை 1,000-க்கும் மேற்பட்ட பயன்படுத்தப்பட்ட கார்கள் இங்கு காட்சிக்கும் விற்பனைக்கும் வைக்கப்பட்டுள்ளன.
மெகா வெல்டிங் ராட்ஸ் நிறுவனத்தின் நிர்வாக இயக்குநர் கே.பி. அழகேசன் ரிப்பன் வெட்டி மாநாட்டைத் திறந்து வைத்தார். இதைத் தொடர்ந்து செய்தியாளர்களிடம் பேசிய கார்ஸ் 327 நிறுவனத்தின் நிறுவனர் விஷ்ணு வேணுகோபால், மாநாடு நவம்பர் 29 வரை தினமும் காலை 9.30 மணி முதல் இரவு 8 மணி வரை நடைபெறும் எனத் தெரிவித்தார்.
குடும்பத்துடன் வந்து பல்வேறு வகையான கார்களை ஒரே இடத்தில் பார்வையிடலாம். கார்களின் விலை மற்றும் அவற்றில் உள்ள வசதிகளை ஒப்பிட்டுப் பார்த்து, தங்களது தேவைக்கும் பட்ஜெட்டுக்கும் ஏற்ற காரை வாடிக்கையாளர்கள் தேர்வு செய்யலாம் என்று அவர் கூறினார்.

கார்ஸ் 327 நிறுவனம் இதுவரை 12 யூஸ்டு கார் மேளாக்களை நடத்தியுள்ளதாகவும், தற்போது நடைபெறுவது நிறுவனத்தின் 13-வது கார் மேளா என்றும் விஷ்ணு வேணுகோபால் தெரிவித்தார். ஆயிரத்துக்கும் மேற்பட்ட பயன்படுத்தப்பட்ட கார்களை ஒரே இடத்தில் காட்சிப்படுத்தி, மாநாடாக நடத்துவது தமிழகத்தில் இதுவே முதல்முறை என்றும் அவர் கூறினார்.
முதல் சர்வீஸ் இலவசம், ₹1,000 FASTag ரீசார்ஜ்
மாநாட்டில் கார் வாங்கும் வாடிக்கையாளர்களுக்குச் சிறப்புப் பரிசுகளும் சர்வீஸ் சலுகைகளும் வழங்கப்படுகின்றன. கார்ஸ் 327 நிறுவனத்திடம் கார் வாங்குவோருக்கு முதல் சர்வீஸ் இலவசமாக வழங்கப்படுவதுடன், ₹1,000 மதிப்பில் FASTag ரீசார்ஜ் செய்து தரப்படும் என்றும் அவர் தெரிவித்தார்.
மாநாட்டில் 20-க்கும் மேற்பட்ட வாகனக் கடன் நிபுணர்கள் இருப்பதாகவும், வாடிக்கையாளர்கள் தாங்கள் விரும்பும் வங்கியின் மூலம் வாகனக் கடன் பெறுவதற்கான ஏற்பாடுகளை அவர்கள் செய்து தருவார்கள் என்றும் கூறினார்.
வாகன நிறுத்துமிடம், ஆம்புலன்ஸ் வசதி
கார் வாங்கிய பிறகும் வாடிக்கையாளர்களுக்குத் தொடர்ந்து சேவை வழங்கப்படும் என்று தெரிவித்த விஷ்ணு வேணுகோபால், கார்ஸ் 327 நிறுவனத்தில் ஒர்க்ஷாப் வசதி, பெயிண்டிங் சேவை, கார் ஆக்சஸரீஸ், உதிரிபாகங்கள் உள்ளிட்டவை கிடைக்கும் என்றார். கார்களுக்கான காப்பீட்டை ஆண்டுதோறும் புதுப்பித்துத் தரவும் ஏற்பாடு செய்யப்படும் என்று தெரிவித்தார்.
மாநாட்டுக்கு வரும் வாடிக்கையாளர்களின் வாகனங்களை நிறுத்தத் தனி இடம் ஒதுக்கப்பட்டுள்ளது. கழிவறைகள் மற்றும் ஆம்புலன்ஸ் வசதியும் ஏற்பாடு செய்யப்பட்டுள்ளன. வாடிக்கையாளர்களின் பாதுகாப்புக்கு முன்னுரிமை அளிப்பதுடன், அவர்களுக்குத் தொடர்ந்து துணை நிற்போம் என விஷ்ணு வேணுகோபால் தெரிவித்தார்.
கோவை அவிநாசி சாலை தொட்டிபாளையம் பிரிவில் கார்ஸ் 327 நடத்தும் மெகா யூஸ்டு கார் மாநாட்டில் 1,000-க்கும் மேற்பட்ட கார்கள் காட்சிக்கும் விற்பனைக்கும் வைக்கப்பட்டுள்ளன. நவம்பர் 29 வரை தினமும் காலை 9.30 மணி முதல் இரவு 8 மணி வரை மாநாடு நடைபெறுகிறது. கார் வாங்குவோருக்கு முதல் சர்வீஸ் இலவசம், ₹1,000 மதிப்பில் FASTag ரீசார்ஜ் வழங்கப்படும் என நிறுவனம் தெரிவித்துள்ளது.


