கோவை: கழகங்கள் மறையட்டும் என குறிபிட்டு ரஜினி ரசிகர்கள் அண்ணாமலைக்கு போஸ்டர்களை ஒட்டி உள்ளனர்.
கழகங்கள் மறையட்டும் இனி நம்ம கொடி பறக்கட்டும் என குறிப்பிட்ட கோவையில் ரஜினி ரசிகர்கள் அண்ணாமலைக்கு போஸ்டர்கள் ஒட்டி உள்ளனர்.
பாஜக முன்னாள் மாநில தலைவர் அண்ணாமலை புதிய கட்சி துவங்க உள்ளதாக பல்வேறு தகவல்கள் வெளியாகும் நிலையில் அதனை உறுதிப்படுத்தும் வகையில் அவரது ஆதரவாளர்கள் ரஜினி ரசிகர்கள் தொடர்ந்து அனைத்து மாவட்டங்களிலும் போஸ்டர்களை ஒட்டி வருகின்றனர். சமூக வலைத்தளங்களிலும் அது தொடர்பான கருத்துக்களை பகிர்ந்து வருகின்றனர்.
இந்நிலையில் இன்று அண்ணாமலையின் பிறந்த நாளை முன்னிட்டு கோவை மாவட்ட தலைமை ரஜினிகாந்த் நற்பணி மன்றம் சார்பில் மீண்டும் போஸ்டர்கள் ஒட்டப்பட்டுள்ளன.
அந்த போஸ்டரில் கழகங்கள் மறையட்டும் இனி நம்ம கொடி பறக்கட்டும் weCoMe அண்ணாமலை என குறிப்பிட்டு நடிகர் ரஜினிகாந்த் மற்றும் அண்ணாமலை திரவரது புகைப்படங்களுடன் போஸ்டர்கள் ஒட்டப்பட்டுள்ளன.
கழகங்கள் மறையட்டும் என்று தற்பொழுது உள்ள பல்வேறு அரசியல் கட்சி கழகங்களான திராவிட முன்னேற்ற கழகம், அண்ணா திராவிட முன்னேற்ற கழகம், தமிழக வெற்றிக் கழகம் ஆகியவற்றை மறைமுகமாக சாடியுள்ளனர்.
