கோவை: பில்லூர்-3 குடிநீர் திட்டத்தில் பராமரிப்பு பணிகள் மேற்கொள்ளப்படுவதால், கோவை மாநகராட்சிக்கு 4 நாட்கள் குடிநீர் விநியோகம் நிறுத்தப்பட உள்ளதாக அதிகாரிகள் தெரிவித்துள்ளனர்.
Advertisement
குடிநீர் வடிகால் வாரிய அதிகாரிகள் கூறியதாவது:-
பவானி ஆற்று நீரை ஆதாரமாக கொண்டு செயல்பட்டு வரும் பில்லூர்-3 குடிநீர் திட்டத்தின் கீழ், சமயபுரம் பகுதியில் உள்ள பவானி தடுப்பணையில் தமிழ்நாடு பசுமை எரிசக்தி நிறுவனத்தினால் கதவணை மற்றும் எந்திரங்களின் ஆண்டு பராமரிப்பு பணிகள் மேற்கொள்ளப்பட உள்ளது.
இதன் காரணமாக இன்று (7-5-2026) முதல் 10-ந் தேதி வரை 4 நாட்களுக்கு பில்லூர்-3 திட்டத்தின் கீழ் வழங்கப்படும் குடிநீர் விநியோகம் தற்காலிகமாக நிறுத்தப்படவுள்ளது.
Advertisement
எனவே, கோவை மாநகராட்சி பகுதிகளில் வசிக்கும் பொதுமக்கள் குடிநீரை சிக்கனமாக பயன்படுத்திக்கொள்ள வேண்டும் என அதிகாரிகள் கேட்டுக்கொண்டுள்ளனர்.
