கருப்பு பட வரவேற்பை நேரில் கண்ட இயக்குநர் RJ பாலாஜி உற்சாகத்தில் கத்தி, உணர்ச்சி பொங்கிய வீடியோ காட்சி இணையத்தில் வைரலாகி வருகிறது.
எதிர்பார்ப்பை கிளப்பிய கருப்பு
சில மாதங்களாக எதிர்பார்ப்பை கிளப்பியிருந்த “கருப்பு” திரைப்படம் இன்று உலகம் முழுவதும் திரையரங்குகளில் வெளியாகி ரசிகர்களின் வரவேற்பைப் பெற்று வருகிறது. இந்த நிலையில், தியேட்டரில் ரசிகர்களின் கொண்டாட்டத்தை நேரில் கண்ட இயக்குநர் மற்றும் நடிகரான R. J. Balaji உணர்ச்சி பொங்க கத்திய வீடியோ தற்போது இணையத்தில் வைரலாகி வருகிறது.
ரேடியோ ஜாக்கியாக தனது பயணத்தை தொடங்கிய RJ பாலாஜி, பின்னர் சினிமாவில் நடிகராகவும் எழுத்தாளராகவும் தனித்த அடையாளம் உருவாக்கினார். LKG திரைப்படத்தின் மூலம் இணை இயக்குநராக அறிமுகமான அவர், தொடர்ந்து மூக்குத்தி அம்மன் மற்றும் வீட்ல விசேஷம் போன்ற குடும்பம் முழுவதும் ரசிக்கும் படங்களை இயக்கி வெற்றி பெற்றார்.
மன்னிப்பு கேட்ட RJ பாலாஜி
அதன் பிறகு முதல் முறையாக முன்னணி நடிகரான Suriyaவை வைத்து “கருப்பு” படத்தை இயக்கியிருந்தார் RJ பாலாஜி. இந்த படத்தில் Trisha Krishnan முக்கிய கதாபாத்திரத்தில் நடித்துள்ளார். ஆரம்பத்தில் இசையமைப்பாளராக A. R. Rahman இணைவார் என தகவல்கள் வெளியான நிலையில், பின்னர் இளம் இசையமைப்பாளர் Sai Abhyankkar படத்துக்கு இசையமைத்தார்.
கடந்த ஆண்டே படப்பணிகள் முடிவடைந்திருந்தாலும், பல்வேறு காரணங்களால் வெளியீடு தாமதமானது. மே 14ஆம் தேதி படம் வெளியாகும் என RJ பாலாஜி அறிவித்திருந்த நிலையில், அறிவித்த தேதியில் படம் வெளியாகாதது ரசிகர்களுக்கு அதிர்ச்சியை ஏற்படுத்தியது. இதையடுத்து ரசிகர்களிடம் மன்னிப்பு கோரி RJ பாலாஜி வெளியிட்ட வீடியோவில் அவர் கண்கலங்கியபடி பேசியது சமூக வலைதளங்களில் பெரும் பேசுபொருளானது.
உற்சாகத்தில் கத்தி கொண்டாட்டம்
இந்நிலையில், இன்று காலை படம் உலகம் முழுவதும் வெளியானது. ரசிகர்கள் திரையரங்குகளில் ஆரவாரமாக கொண்டாடியதை நேரில் கண்ட RJ பாலாஜி, உற்சாகத்தில் கத்தி தனது மகிழ்ச்சியை வெளிப்படுத்தினார். அந்த வீடியோ தற்போது இணையத்தில் வேகமாக பரவி வருகிறது.
This is the well-deserved victory for your sincere nd genuine hard work. @Suriya_offl Anna has given complete creative freedom to @RJ_Balaji in #Karuppu, nd that’s precisely the biggest reason behind the Karuppu's resounding success today…pic.twitter.com/uMC5XY7dtY
— Ayan Suriya (@AyanSuriya_offl) May 15, 2026
“கருப்பு” திரைப்படத்தின் இந்த வரவேற்பு, RJ பாலாஜியின் திரைப்பயணத்தில் மிகப்பெரிய வெற்றியாக அமையும் என்றும் ரசிகர்கள் கருத்து தெரிவித்து வருகின்றனர்.
