கோவை: 100 விமானங்களுக்காக Pullinam Aerospace – Skyworks Aviation இடையே ரூ.175–200 கோடி மதிப்பில் ஒப்பந்தம் போடப்பட்டுள்ளது.
தமிழ்நாட்டில் வளர்ந்து வரும் விமானவியல் மற்றும் விண்வெளித் தொழில்நுட்பத் துறையில் முக்கிய முன்னேற்றமாக, தஞ்சாவூரைத் தலைமையிடமாகக் கொண்ட Pullinam Aerospace Technologies Pvt. Ltd, கோயம்புத்தூரைச் சேர்ந்த Skyworks Aviation International நிறுவனத்துடன் 100 விமானங்களை விற்பனை செய்வதற்கான Binding Letter of Intent (LOI)ஒப்பந்தத்தில் கையெழுத்திட்டுள்ளது.
இந்த LOI-யின் மதிப்பு சுமார் ரூ.175–200 கோடி என மதிப்பிடப்படுகிறது.
இந்த ஒப்பந்தம், Institute of Aeronautics, Astronautics and Aviation (IAAA) அமைப்பு, தமிழ்நாடு அரசின் StartupTN உடன் இணைந்து நடத்திய National Aerospace and Aviation Startup Conclave நிகழ்வில் கையெழுத்தானது. இந்நிகழ்வை கோயம்புத்தூரில் உள்ள Nehru Institute of Technologies, Nehru Group of Institutions நடத்தியது.
இந்த ஒப்பந்தத்தின் கீழ், Pullinam உருவாக்கி வரும் PAT-LSA01 இரண்டு இருக்கைகள் கொண்ட CTOL (Conventional Take-Off and Landing) விமானம் வழங்கப்பட உள்ளது. இந்த விமானம் மின்சார இயக்கம் மற்றும் Internal Combustion Engine (IC Engine) ஆகிய இரு வகை இயக்க அமைப்புகளிலும் உருவாக்கப்பட்டு வருகிறது.
தென்னிந்தியாவின் முக்கியமான விமானத் துறை நிறுவனங்களில் ஒன்றான Skyworks Aviation International விமான விற்பனை, விமான உதிரிபாகங்கள், விமான லீசிங் மற்றும் ஹெலிகாப்டர் செயல்பாடுகள் உள்ளிட்ட பல்வேறு துறைகளில் செயல்பட்டு வருகிறது.
PAT-LSA01 விமானம் தற்போது மேம்பாட்டு நிலையில் உள்ளது. அடுத்த இரண்டு ஆண்டுகளில் விமானத்தின் Flight Testing கட்டத்தை நோக்கி Pullinam முன்னேற உள்ளது என்றும் விமானம் தனது முதல் flight test-ஐ மேற்கொள்வதற்கு முன்பே கிடைத்துள்ள இந்த 100 விமானங்களுக்கான Binding LOI, விமானத்தின் தொழில்நுட்பத்திற்கும் சந்தைத் தேவைக்கும் கிடைத்துள்ள முக்கியமான வணிக அங்கீகாரமாக பார்க்கப்படுகிறது என்றும் தெரிவிக்கப்பட்டுள்ளது.
100 விமானங்களுக்கான இந்த உறுதிப்பாடு, தமிழ்நாட்டிலிருந்து ஒரு உள்நாட்டு விமான உற்பத்தித் திட்டத்தை உருவாக்கும் Pullinam Aerospace நிறுவனத்தின் பயணத்தில் ஒரு முக்கிய மைல்கல்லாக அமையக்கூடும் என்பது குறிப்பிடத்தக்கது.
