கோவை: திமுக அலுவலக அடிக்கல் நாட்டு விழா, பெரியார் அறிவுலகப் பாராட்டு விழா ஆகியவற்றில் பங்கேற்க கோவை வந்த மு.க.ஸ்டாலினுக்கு விமான நிலையத்தில் உற்சாக வரவேற்பு அளிக்கப்பட்டது.
நீலாம்பூரில் புதிய திமுக அலுவலகத்துக்கு அடிக்கல் நாட்டும் விழா, பெரியார் அறிவுலகம் அமைத்ததற்கான பாராட்டு விழா உள்ளிட்ட நிகழ்ச்சிகளில் பங்கேற்க, திமுக தலைவரும் முன்னாள் முதலமைச்சருமான மு.க.ஸ்டாலின் இன்று (நவம்பர் 4) கோவை வந்தார். விமான நிலையத்தில் திமுக கோவை மண்டலப் பொறுப்பாளரும் முன்னாள் அமைச்சருமான செந்தில்பாலாஜி எம்.எல்.ஏ. தலைமையில் அவருக்கு உற்சாக வரவேற்பு அளிக்கப்பட்டது.
வரவேற்பு நிகழ்ச்சியில் முன்னாள் அமைச்சர்கள் கே.என்.நேரு, எ.வ.வேலு, முத்துச்சாமி, மு.கண்ணப்பன், பொங்கலூர் பழனிச்சாமி, வெள்ளக்கோவில் சாமிநாதன், சக்கரபாணி மற்றும் திமுக துணைப் பொதுச் செயலாளர் அந்தியூர் செல்வராஜ் ஆகியோர் பங்கேற்றனர்.
கோவை மாநகர் மாவட்டப் பொறுப்பாளர் துரை செந்தமிழ்ச்செல்வன், வடக்கு மாவட்டச் செயலாளர் தொண்டாமுத்தூர் ரவி, தெற்கு மாவட்டச் செயலாளர் தளபதி முருகேசன், மேயர் ரங்கநாயகி ஆகியோரும் ஸ்டாலினை வரவேற்றனர்.
எம்.பி.க்கள் கணபதி ராஜ்குமார், ஈஸ்வரசாமி, பிரகாஷ், எம்.எல்.ஏ.க்கள் ஜெயராமகிருஷ்ணன், வசந்தம் கார்த்திகேயன், மாநிலத் தீர்மானக் குழுச் செயலாளர் நா.கார்த்திக், முன்னாள் எம்.எல்.ஏ. சந்திரகுமார் உள்ளிட்டோரும் வரவேற்பில் கலந்துகொண்டனர். மாநில, மாவட்ட நிர்வாகிகளும் கட்சித் தொண்டர்களும் விமான நிலையத்தில் திரண்டிருந்தனர்.
விமான நிலையத்திலிருந்து நீலாம்பூர் புறப்பட்ட ஸ்டாலினுக்கு வழிநெடுகிலும் திமுக தொண்டர்களும் பொதுமக்களும் வரவேற்பு அளித்தனர். நீலாம்பூரில் ஒருங்கிணைந்த கோவை மாவட்ட திமுக அலுவலகத்துக்கு அவர் அடிக்கல் நாட்ட உள்ளார். மாலையில், கோவை வ.உ.சி. மைதானத்தில் திராவிடர் கழகம் சார்பில் நடைபெறும் பாராட்டு விழாவில் பங்கேற்க உள்ளார்.
