LCU 4 ஆவது படமான “பென்ஸ்” திரைப்படத்தில் ரவி மோகன் இணைந்தது ரசிகர்களிடையே பெரும் எதிர்பார்ப்பை ஏற்படுத்தியுள்ளது.
தமிழ் திரையுலகின் அனுபவமிக்க நடிகரான ரவி மோகன் நடிப்பை தாண்டி, தனது திறமைகளை புதிய பரிமாணங்களில் விரிவுபடுத்தி வருகிறார்.
நடிகர் ரவி மோகன் நடிப்பில் வரவிருக்கும் தமிழ் ஆக்ஷன் திரில்லர் திரைப்படமான “பென்ஸ்” படத்தில் அதிகாரப்பூர்வமாக இணைந்துள்ளார்.
பாக்யராஜ் கண்ணன் இயக்கும் இந்த படத்திற்கு, லோகேஷ் கனகராஜ் கதை எழுதியுள்ளார். இந்த படம் “லோகேஷ் சினிமாட்டிக் யுனிவர்ஸின்” LCU தொடரின் நான்காவது படமாக உருவாகி வருகிறது.
இன்று இந்த அறிவிப்பு வெளியிடப்பட்டதுடன், ரவி மோகன், படக்குழுவுடன் இருக்கும் சில சுவாரஸ்யமான பின்னணிக் காட்சி புகைப்படங்களும் இணையத்தில் பகிரப்பட்டுள்ளன.
படத்தின் முக்கிய அம்சங்கள்
- ரவி மோகன், ராகவா லாரன்ஸுடன் இணைந்து முக்கியமான இணை நாயகன் கதாபாத்திரத்தில் நடிக்கவிருக்கிறார்.
- நிவின் பாலி படத்தின் முக்கிய வில்லனாக நடிக்க உள்ளார். அவர் இரட்டை வேடத்தில் தோன்றுவதாக தகவல்கள் வெளியாகியுள்ளன.
- பென்ஸ் திரைப்படம் LCU-வில் நடைபெறும் கதையாகும். இதன்மூலம் கைதி, விக்ரம் மற்றும் லியோ ஆகிய படங்களுடன் தொடர்புடைய கதைக்களத்தில் இந்த படமும் வரிசைகட்டியுள்ளது.
- படத்திற்கு இசையமைப்பவர் சாய் அப்யங்கர்.
தயாரிப்பாளராய் லோகேஷ்
இந்த முறை லோகேஷ் கனகராஜ் இயக்குநராக இல்லாவிட்டாலும் தனது ‘G Squad’ நிறுவனத்தின் மூலம் தயாரிப்பாளராக உள்ளார். மேலும் “Passion Studios” மற்றும் “The Route” நிறுவனங்களும் இணைந்து, இப்படத்தை தயாரிக்கின்றன.
தயாரிப்பாளர்களாக சுதன் சுந்தரம் மற்றும் ஜெகதீஷ் பழனிச்சாமி ஆகியோரும் உள்ளனர். ஒளிப்பதிவை கௌதம் ஜார்ஜ் கவனிக்க, படத்தொகுப்பை பிலோமின் ராஜ் மேற்கொள்கிறார்.
LCU-வில் ரவி மோகனின் வருகை ரசிகர்களிடையே பெரும் எதிர்பார்ப்பை ஏற்படுத்தியுள்ளது. இதனுடன் அவர் மேலும் பல புதிய திரைப்படங்களிலும் நடித்து வருகிறார்.
அதே நேரத்தில் இயக்குநராகவும், தனது அறிமுக முயற்சிக்கு தயாராகி வருகிறார் என்பது குறிப்பிடத்தக்கது.
