கோவை பெண் தொழில்முனைவோர் குறித்து சமூக வலைதளங்களில் அவதூறு புகார்! ஊட்டியில் யூடியூபர் கைது

கோவை : கோவை டாடாபாத்தைச் சேர்ந்த பெண் தொழில்முனைவோரின் வீடியோக்களை அனுமதியின்றிப் பதிவிட்டு, அவரைப் பற்றி அவதூறு பரப்பியதாகத் தொடரப்பட்ட வழக்கில், திருச்செந்தூரைச் சேர்ந்த யூடியூபர் மணிகண்டனை (37) கோவை மாநகர சைபர் கிரைம் போலீஸார் ஊட்டியில் கைது செய்தனர்.

டாடாபாத்தைச் சேர்ந்த 50 வயது பெண், சொந்தமாகத் தொழில் நடத்தி வருகிறார். தான் தயாரிக்கும் பொருட்களின் செய்முறை மற்றும் விற்பனை தொடர்பான வீடியோக்களை தனது யூடியூப் சேனலில் பதிவிட்டு வருகிறார்.

Advertisement

கடந்த ஆகஸ்ட் மாதம் முதல் தனது வீடியோக்களை மணிகண்டன் அனுமதியின்றி எடுத்து, அவரது இன்ஸ்டாகிராம் பக்கத்திலும் யூடியூப் சேனலிலும் பதிவிட்டதாக அந்தப் பெண் புகார் அளித்தார். தனது புகைப்படங்களையும் வீடியோக்களையும் பயன்படுத்தி, தன்னைப் பற்றியும் தான் விற்பனை செய்யும் பொருட்கள் குறித்தும் ஆதாரமற்ற குற்றச்சாட்டுகளை அவர் பரப்பியதாகப் புகாரில் குறிப்பிட்டிருந்தார். மணிகண்டனின் சமூக வலைதளக் கணக்குகளை முடக்கி, அவர் மீது நடவடிக்கை எடுக்குமாறும் கோரியிருந்தார்.

புகாரின் பேரில் வழக்குப் பதிவு செய்து விசாரித்த போலீஸார், மணிகண்டன் ஊட்டியில் தலைமறைவாக இருப்பதைக் கண்டறிந்தனர். உதவி ஆய்வாளர் லிங்கேஸ்வரன் தலைமையிலான போலீஸார் நவம்பர் 14 காலை ஊட்டிக்குச் சென்று அவரைக் கைது செய்தனர்.

Advertisement

சமூக வலைதளங்களில் அவதூறான கருத்துகளைப் பதிவிட்டதாக மணிகண்டன் மீது தமிழ்நாடு முழுவதும் 16 வழக்குகள் இருப்பது விசாரணையில் தெரியவந்ததாக போலீஸார் தெரிவித்தனர். கைது செய்யப்பட்ட மணிகண்டனை நீதிமன்றத்தில் ஆஜர்படுத்தி சிறையில் அடைத்தனர்.

Amazon Link 3
Sathiya Priya
Sathiya Priyahttp://newscloudscoimbatore.com
Sathiya priya is an experienced journalist with 8 years of experience across various media platforms, and for the past 5 years she has been working with NewscloudsCoimbatore (NCC). She specializes in civic affairs, social issues, and people-centric reporting with a strong focus on accuracy and credibility.

Recent News

கார்த்திகையும்… ஐயப்ப விரதமும்… பத்கர்கள் மாலை அணிந்து சபரிமலை செல்வது ஏன்?

கோவை: கார்த்திகை 1ம் தேதி பிறந்துள்ள நிலையில், ஐயப்ப பக்தர்கள் மாலை அணிந்து, விரதம் இருப்பது ஏன்? அதற்கான காரணங்கள் என்னென்ன? என்பது குறித்து இந்த செய்தி தொகுப்பில் காணலாம். தமிழ் மாதங்களில் மிகவும்...

Video

கோவையில் வீட்டை உடைத்த காட்டுயானை- வீடியோ காட்சிகள்…

கோவை: கதிர்நாயக்கன்பாளையத்தில் காட்டு யானை வீட்டை சேதப்படுத்திய காட்சி வெளியாகி உள்ளது. கோவை மாவட்டத்தில் வனவிலங்குகள் நடமாட்டம் மேற்கு தொடர்ச்சி மலை ஒட்டிய பகுதிகளில் அதிக அளவு உள்ளது. அடிக்கடி வனப்பகுதியில் இருந்து...