கோவை: கோவை மற்றும் உடுமலைப்பேட்டையில் ஜூனியர் ஹாக்கி போட்டி தொடங்கியுள்ளது.
ஜூன் மாதம் இறுதியில் கோவையில் நடைபெற உள்ள Junior Men National India Hockey போட்டிக்கான தமிழ்நாடு அளவிலான சிறந்த அணியை தேர்ந்தெடுக்கும் வகையில், 35 மாவட்ட அணிகள் பங்கேற்கும் ஜூனியர் ஹாக்கி போட்டி இன்று கோவை மற்றும் உடுமலைப்பேட்டையில் தொடங்கியுள்ளது.
கோவையில் ஆர்.எஸ்.புரம் பகுதியில் அண்மையில் திறக்கப்பட்ட சர்வதேச தரத்திலான ஹாக்கி மைதானத்தில் இந்த போட்டிகள் நடைபெற்று வருகின்றன. இங்கு 17 மாவட்ட அணிகளும், உடுமலைப்பேட்டையில் 18 மாவட்ட அணிகளும் பங்கேற்றுள்ளன.
கோவையில் ஜூனியர் ஹாக்கி போட்டி துவங்கியது…
இவர்களுக்கான இறுதிப் போட்டி வரும் 2ம் தேதி கோவையில் நடைபெற உள்ளது. கோவையில் நடைபெற்று வரும் இந்த போட்டியில் கோவை, திருச்சி, தூத்துக்குடி, சென்னை, விருதுநகர், சேலம் உள்ளிட்ட 17 மாவட்ட அணிகள் பங்கேற்றுள்ளன.
கோவை மற்றும் உடுமலைப்பேட்டையில் வெற்றி பெறும் அணிகளுக்கான காலிறுதி, அரையிறுதி மற்றும் இறுதிப் போட்டிகள் வரும் 1 மற்றும் 2ம் தேதிகளில் கோவையில் நடைபெறும் என்பது குறிப்பிடத்தக்கது.
