கோவை: கோவையில் 14 மீனவ பயனாளிகளுக்கு ரூ.4.20 லட்சம் மானியத்தில் இருசக்கர வாகனங்களை அமைச்சர் சம்பத்குமார் வழங்கினார்.
கோவை மாவட்ட ஆட்சியர் அலுவலக வளாகத்தில் மீன்வளம் மற்றும் மீனவர் நலத்துறை சார்பில் நடைபெற்ற நிகழ்ச்சியில், 14 மீனவ பயனாளிகளுக்கு மொத்தம் ரூ.4.20 லட்சம் மானியத்தில் விலையில்லா இருசக்கர வாகனங்களை அமைச்சர் சம்பத்குமார் வழங்கினார்.
தமிழ்நாடு முதலமைச்சர் பல்வேறு நலத்திட்டங்களை செயல்படுத்தி வரும் நிலையில், மீன்வளம் மற்றும் மீனவர் நலத்துறை மூலம் மீனவ மக்களின் வாழ்வாதாரத்தை மேம்படுத்தும் வகையில் பல்வேறு நலத்திட்ட உதவிகள் வழங்கப்பட்டு வருகின்றன.
அதன் ஒரு பகுதியாக, பிரதம மந்திரி மீன்வள மேம்பாட்டுத் திட்டத்தின் கீழ், மீனவ பயனாளிகளுக்கு தலைக்கவசத்துடன் கூடிய இருசக்கர வாகனங்கள் வழங்கப்பட்டன.
ஒரு வாகனத்தின் மதிப்பு ரூ.75,272 என நிர்ணயிக்கப்பட்டு, 40 சதவீத மானியமாக ஒரு பயனாளிக்கு ரூ.30,000 வழங்கப்படுகிறது. இதன்படி, 14 பயனாளிகளுக்கு மொத்தம் ரூ.4.20 லட்சம் மானியத்தில் இருசக்கர வாகனங்கள் வழங்கப்பட்டன.
இந்நிகழ்ச்சியில் மாவட்ட ஆட்சியர் பவன்குமார் கிரியப்பனவர், மீன்வளம் மற்றும் மீனவர் நலத்துறை இணை இயக்குநர் வேலுசாமி, உதவி இயக்குநர் அஸ்வத் ஜெல்லா மற்றும் மாவட்ட மீன்வள அலுவலர் உள்ளிட்ட அரசு அதிகாரிகள் கலந்து கொண்டனர்.
