கோவை செல்வபுரத்தில் துணிகரம்! நகை பட்டறையின் கதவை உடைத்து தங்கம், வெள்ளி திருட்டு!

கோவை: கோவையில் நகை பட்டறை உரிமையாளர் உடல்நலக்குறைவு காரணமாக மருத்துவமனையில் அனுமதிக்கப்பட்டிருந்த நிலையில், அவரது வீட்டின் முதல் மாடியில் செயல்பட்டு வந்த நகை பட்டறையின் கதவை உடைத்து தங்கம் மற்றும் வெள்ளிப் பொருட்களை மர்ம நபர்கள் திருடிச் சென்ற சம்பவம் பரபரப்பை ஏற்படுத்தியுள்ளது.

கோவை செல்வபுரம் அன்னை இந்திரா நகரைச் சேர்ந்தவர் சபாபதி (65). இவர் தனது வீட்டின் முதல் மாடியில் நகை பட்டறை அமைத்து, நகை தயாரிக்கும் தொழில் செய்து வருகிறார்.

Advertisement

இந்த நிலையில், கடந்த 11ஆம் தேதி சபாபதிக்கு உடல்நலக்குறைவு ஏற்பட்டதால், சிகிச்சைக்காக கோவையில் உள்ள தனியார் மருத்துவமனையில் அனுமதிக்கப்பட்டார். அங்கு சில நாட்கள் சிகிச்சை பெற்று வந்த அவர், நேற்று முன்தினம் மருத்துவமனையில் இருந்து வீடு திரும்பினார்.

Also Read: கோவையில் குத்தகை விவசாயிகளுக்கு முக்கிய அறிவிப்பு! பயிர்க் காப்பீடு செய்ய புதிய தளர்வுகள்!

Advertisement

அப்போது, வீட்டின் முதல் மாடியில் உள்ள நகை பட்டறைக்குச் சென்றபோது, அதன் கதவு உடைக்கப்பட்டிருந்ததைக் கண்டு அதிர்ச்சியடைந்தார். இதையடுத்து பட்டறைக்குள் சென்று பார்த்தபோது, அங்கு வைத்திருந்த 15 கிராம் தங்கம் மற்றும் 75 கிராம் வெள்ளிப் பொருட்கள் திருடப்பட்டிருப்பது தெரியவந்தது.

சபாபதி மருத்துவமனையில் சிகிச்சை பெற்று வந்த காலத்தில், வீட்டில் ஆட்கள் இல்லாததை நோட்டமிட்ட மர்ம நபர்கள், நகை பட்டறையின் கதவை உடைத்து உள்ளே புகுந்து தங்கம் மற்றும் வெள்ளிப் பொருட்களைத் திருடிச் சென்றிருக்கலாம் எனக் கூறப்படுகிறது.

Advertisement

இதுகுறித்து சபாபதி செல்வபுரம் காவல் நிலையத்தில் புகார் அளித்தார். புகாரின் அடிப்படையில் போலீசார் வழக்குப்பதிவு செய்து, திருட்டில் ஈடுபட்ட மர்ம நபர்கள் யார் என்பது குறித்தும், திருட்டு நடைபெற்ற விதம் குறித்தும் தீவிர விசாரணை மேற்கொண்டு வருகின்றனர்.

வீட்டின் முதல் மாடியில் செயல்பட்டு வந்த நகை பட்டறையின் கதவை உடைத்து தங்கம் மற்றும் வெள்ளிப் பொருட்கள் திருடப்பட்ட சம்பவம் செல்வபுரம் பகுதியில் பரபரப்பை ஏற்படுத்தியுள்ளது.

Amazon Link 1
Sathiya Priya
Sathiya Priyahttp://newscloudscoimbatore.com
Sathiya priya is an experienced journalist with 8 years of experience across various media platforms, and for the past 5 years she has been working with NewscloudsCoimbatore (NCC). She specializes in civic affairs, social issues, and people-centric reporting with a strong focus on accuracy and credibility.

Recent News

கார்த்திகையும்… ஐயப்ப விரதமும்… பத்கர்கள் மாலை அணிந்து சபரிமலை செல்வது ஏன்?

கோவை: கார்த்திகை 1ம் தேதி பிறந்துள்ள நிலையில், ஐயப்ப பக்தர்கள் மாலை அணிந்து, விரதம் இருப்பது ஏன்? அதற்கான காரணங்கள் என்னென்ன? என்பது குறித்து இந்த செய்தி தொகுப்பில் காணலாம். தமிழ் மாதங்களில் மிகவும்...

Video

கோவையில் வீட்டை உடைத்த காட்டுயானை- வீடியோ காட்சிகள்…

கோவை: கதிர்நாயக்கன்பாளையத்தில் காட்டு யானை வீட்டை சேதப்படுத்திய காட்சி வெளியாகி உள்ளது. கோவை மாவட்டத்தில் வனவிலங்குகள் நடமாட்டம் மேற்கு தொடர்ச்சி மலை ஒட்டிய பகுதிகளில் அதிக அளவு உள்ளது. அடிக்கடி வனப்பகுதியில் இருந்து...