கோவை: ஜனநாயகன் திரைப்படத்தின் முதல் காட்சி ஓடிக்கொண்டிருந்தபோதே, தமிழக வெற்றி கழகத்தின் விசில் சின்னத்தை கையில் பச்சை குத்திக் கொண்ட கோவை கிழக்கு மாவட்டச் செயலாளர் விஜய் யுவராஜின் செயல் ரசிகர்களின் கவனத்தை ஈர்த்தது.
முதலமைச்சரும், தமிழக வெற்றி கழகத் தலைவருமான விஜய் நடித்துள்ள கடைசி திரைப்படமாகக் கூறப்படும் ஜனநாயகன் இன்று திரையரங்குகளில் வெளியானது. இதையொட்டி தமிழகம் முழுவதும் விஜய் ரசிகர்கள் மற்றும் தமிழக வெற்றி கழக நிர்வாகிகள் உற்சாகமாக கொண்டாட்டங்களில் ஈடுபட்டனர்.
Also Read: இன்றைய ராசிபலன் (ஜூலை 23): 12 ராசிகளுக்குமான முழு பலன்கள்
கோவை உப்பிலிபாளையம் காஸ்மோ திரையரங்கிலும் முதல் காட்சிக்காக சிறப்பு ஏற்பாடுகள் செய்யப்பட்டிருந்தன. திரைப்படம் தொடங்கி சில நிமிடங்கள் ஆனபின், கோவை கிழக்கு மாவட்டச் செயலாளர் விஜய் யுவராஜ், இந்த திரைப்படம் தனது மனதில் என்றும் நிலைத்திருக்க வேண்டும் என்ற நினைவாக, கட்சியின் விசில் சின்னத்தை கையில் பச்சை குத்திக் கொள்ள முடிவு செய்தார்.
இதற்காக திரையரங்கில் இருந்து வெளியே வந்த அவர், திரையரங்க நுழைவாயிலிலேயே பச்சை குத்திக் கொண்டார். அப்போது சிங்காநல்லூர் சட்டமன்ற உறுப்பினர் கிரி பிரசாத் அருகில் இருந்து நிகழ்வைக் கவனித்தார்.
திரைப்படம் ஓடிக்கொண்டிருக்கும் நேரத்திலேயே ரசிகர் ஒருவர் தனது கட்சி சின்னத்தை பச்சை குத்திக் கொண்ட இந்த சம்பவம், அங்கிருந்த ரசிகர்கள் மற்றும் பொதுமக்கள் மத்தியில் பேசுபொருளாக மாறியுள்ளது.
