கோவை: தாராபுரம், மதுராந்தகம் தொகுதிகளில் தவெக பெற்ற வெற்றி மகத்தானது என்றும், கட்சியை இனி அசைக்க முடியாது என்றும் சட்டமன்ற உறுப்பினர் கனிமொழி சந்தோஷ் தெரிவித்துள்ளார்.
தாராபுரம் மற்றும் மதுராந்தகம் தொகுதிகளில் தமிழக வெற்றிக் கழகம் பெற்ற வெற்றி மகத்தானது என்றும், தமிழக வெற்றிக் கழகத்தை இனி அசைக்க முடியாது என்றும் அக்கட்சியின் சட்டமன்ற உறுப்பினர் கனிமொழி சந்தோஷ் தெரிவித்துள்ளார்.
இதுகுறித்து அவர் கூறுகையில், “இது எதிர்பார்த்த வெற்றிதான். தளபதியின் கால் பட்டு வெற்றி பெறாமல் இருக்குமா? இது மகத்தான வெற்றி. எங்கள் சொந்தத் தொகுதியில் வெற்றி பெறும்போதுகூட இந்த அளவுக்கு நெகிழ்ச்சி ஏற்பட்டதில்லை.
தாராபுரம், மதுராந்தகம் ஆகிய இரண்டு தொகுதிகளிலும் கிடைத்த வெற்றி மிகுந்த மகிழ்ச்சியையும் நெகிழ்ச்சியையும் ஏற்படுத்தியுள்ளது. தமிழக வெற்றிக் கழகத்தை இனி அசைக்க முடியாது என்ற நம்பிக்கை எங்களுக்கு உள்ளது.
VIDEO
இந்த வெற்றி தளபதி விஜய்யின் முகத்துக்காகவும், அவர் மீது மக்கள் வைத்திருக்கும் நம்பிக்கைக்காகவும் கிடைத்துள்ளது. மக்கள் தங்களுடைய ஞானத்துடனும் தெளிவான சிந்தனையுடனும் முடிவெடுக்கிறார்கள் என்பதை இந்த வெற்றி வெளிப்படுத்துகிறது.
எங்களைப் பொறுத்தவரை, விமர்சனங்களுக்கும் கேள்விகளுக்கும் வார்த்தைகளால் பதிலளிப்பதைவிடச் செயலின் மூலமாகவே பதிலளிப்போம்” என்று தெரிவித்தார்.
தாராபுரம் மற்றும் மதுராந்தகம் தொகுதிகளில் கிடைத்த வெற்றி தமிழக வெற்றிக் கழகத் தொண்டர்களிடையே உற்சாகத்தை ஏற்படுத்தியுள்ளதாகவும், இதனைத் தொடர்ந்து கட்சியின் அரசியல் செயல்பாடுகள் மீதான எதிர்பார்ப்புகள் அதிகரித்துள்ளதாகவும் தெரிவிக்கப்பட்டுள்ளது.
