கோவை: கோவையில் பயணி ஒர்வருக்கு நெஞ்சுவலி ஏற்பட்ட நேரத்தில் உதவிய அரசுப் பேருந்து ஓட்டுனருக்கு பாராட்டுகள் குவிந்து வருகிறது.
தமிழ்நாடு அரசு போக்குவரத்துப் போக்குவரத்து கழகத்தின் கோவை கிளையில் தினேஷ்குமார் ஓட்டுனராகவும், சசிகுமார் நடத்துனராகவும் பணியாற்றி வருகின்றனர்.
இதனிடையே கடந்த 9ம் தேதி இவர்கள் இருவரும் அன்னூர் பேருந்து நிலையத்திலிருந்து பயணிகளை ஏற்றிக்கொண்டு காந்திபுரம் நோக்கி சென்று கொண்டிருந்தனர்.
மாலை 7.45 மணி அளவில் பேருந்தில் பயணம் செய்து கொண்டிருந்த 55 வயது ஆண் பயணிக்கு திடிரென நெஞ்சு வலி ஏற்பட்டது. இதனைப் பார்த்த பயணிகள் செய்வதறியாது திகைத்தனர்.
Bus To Ambulance
உடனே பேருந்து நடத்துனர் தினேஷ் குமார் மற்றும் ஓட்டுநர் சசிகுமார் இருவரும் பேருந்தை நேராக மருத்துவமனைக்கு செலுத்த முடிவு செய்தனர். அதன்படி அந்த பேருந்து அன்னூர் அருகில் இருந்த குமரன் மருத்துவமனைக்குச் சென்றது.
அங்கு அவரை அவசர சிகிச்சை பிரிவில் சேர்த்தனர். மருத்துவர்கள் சிகிச்சையில் அந்தப் பயணி தற்போது நலமுடன் உள்ளார். பயணியைக் காப்பாற்றிய தினேஷ்குமார் மற்றும் சசிகுமாரை பயணிகள் வெகுவாகப் பாராட்டினர்.
இதனிடையே இன்று கோயம்புத்தூர் கோட்டத்தின் முதுநிலை துணை மேலாளர் மனிதவளம் இருவரையும் நேரில் அழைத்து அவர்களுக்கு பொன்னாடை போர்த்தி, அவர்கள் நற்செயலைப் பாராட்டினார்.
