UPSC சிவில் சர்வீஸ் தேர்வு (CSE) 2026 மற்றும் இந்திய வன சேவை (IFS) 2026 தேர்வுகளுக்கான அறிவிப்பை மத்திய அரசுப் பணியாளர் தேர்வாணையம் (UPSC) வெளியிட்டுள்ளது.
UPSC சிவில் சர்வீஸ் மற்றும் வன சேவை தேர்வு 2026 – முக்கிய அம்சங்கள்
மத்திய அரசுப் பணியாளர் தேர்வாணையம் (UPSC) சிவில் சர்வீஸ் (CSE) மற்றும் இந்திய வன சேவை (IFS) தேர்வுகளுக்கான 2026 ஆம் ஆண்டு அறிவிப்பை வெளியிட்டுள்ளது. இந்த தேர்வுகளுக்கான ஆன்லைன் விண்ணப்ப பதிவு பிப்ரவரி 4 முதல் பிப்ரவரி 24, 2026 வரை நடைபெறுகிறது.
இதற்கான http://upsconline.nic.in என்ற அதிகாரப்பூர்வ இணையதளத்தின் மூலம் பெறப்படுகின்றன.
IAS, IPS, IFS உள்ளிட்ட மத்திய அரசின் உயர்நிலை நிர்வாக பணிகள் இந்த தேர்வு மூலம் நிரப்பப்பட உள்ளன. மொத்தமாக 933 காலிப் பணியிடங்கள் நிரப்பப்படவுள்ளதாக அறிவிக்கப்பட்டுள்ளது.
விண்ணப்பதாரர்கள் அங்கீகரிக்கப்பட்ட பல்கலைக்கழகத்தில் பட்டம் பெற்றிருக்க வேண்டும். வயது வரம்பு 21 முதல் 32 வயது வரை ஆகும் ; அரசு விதிமுறைகளின்படி வயது தளர்வுகள் வழங்கப்படும்.
முதற்கட்ட தேர்வு (Prelims) 24 மே 2026 அன்று நடைபெறும். முதன்மைத் தேர்வு (Mains) 21 ஆகஸ்ட் 2026 அன்று நடைபெறும். பொது பிரிவினருக்கு விண்ணப்பக் கட்டணம் ரூ.100 ஆக நிர்ணயிக்கப்பட்டுள்ளது; சில பிரிவினருக்கு கட்டண விலக்கு வழங்கப்பட்டுள்ளது.
இந்த தேர்வுக்கு விண்ணப்பிக்க வேண்டிய கடைசி நாள் பிப்ரவரி 24, 2026; மாலை 6 மணி வரை விண்ணப்பிக்கலாம்.
