குறைந்த விலையில் அடகு நகைகள் தருவதாக ரூ.5 லட்சம் மோசடி? கோவையில் பெண் புகார்

கோவை : காந்திபுரத்தில் உள்ள தனியார் அடகுக் கடையில், அடமான நகைகளைக் குறைந்த விலைக்குத் தருவதாகக் கூறி ரூ.5 லட்சம் பெற்றுக்கொண்டு ஏமாற்றியதாக, பெண் தொழில்முனைவோர் ஒருவர் கோவை மாநகர காவல் ஆணையர் அலுவலகத்தில் புகார் அளித்துள்ளார்.

கணுவாய் தடாகம் சாலையில் உள்ள ராமர் கோயில் வீதியைச் சேர்ந்த சாந்தி (40), வேலாண்டிபாளையத்தில் பிளைவுட் நிறுவனம் நடத்தி வருகிறார். காந்திபுரத்தில் உள்ள தனியார் நகை அடகுக் கடையின் மார்க்கெட்டிங் ஊழியர்கள் தன்னை அணுகியதாக அவர் தனது புகார் மனுவில் தெரிவித்துள்ளார்.

Advertisement

Also Read: மருதமலை சாலை சீரமைப்புப் பணிகள்- அமைச்சர் சம்பத்குமார் ஆய்வு…

கடையில் அடமானத்தில் உள்ள தங்க நகைகளை செய்கூலி, சேதாரம் இன்றி குறைந்த விலைக்குத் தருவதாக ஊழியர்கள் கூறியுள்ளனர். இதை நம்பி, கடந்த செப்டம்பரில் அடகுக் கடை உரிமையாளரின் வங்கிக் கணக்குக்கு ரூ.5 லட்சம் அனுப்பியதாக சாந்தி குறிப்பிட்டுள்ளார்.

Advertisement

உறுதியளித்தபடி தங்க நகைகளை வழங்கவில்லை என்றும், அனுப்பிய பணத்தையும் திருப்பித் தரவில்லை என்றும் மனுவில் சாந்தி தெரிவித்துள்ளார். இதுகுறித்து உரிய நடவடிக்கை எடுத்து ரூ.5 லட்சத்தை மீட்டுத் தருமாறு அவர் கோரியுள்ளார்.

பணம் செலுத்தும் முன் கவனிக்க வேண்டியவை

Advertisement

பணம் செலுத்தும்போது ரசீது பெறவும். வங்கிப் பரிவர்த்தனை விவரங்களையும் விற்பனை தொடர்பான குறுஞ்செய்திகளையும் சேமித்து வைக்கவும்.

வாங்கவுள்ள நகையை நேரில் பார்த்து, அதன் எடை, தங்கத்தின் தூய்மை, ஹால்மார்க் விவரம் ஆகியவற்றைச் சரிபார்க்கவும்.

நகையின் மொத்த விலை, வழங்கும் தேதி, முன்பணத்தைத் திருப்பித் தருவதற்கான நிபந்தனைகள் ஆகியவற்றை எழுத்துப்பூர்வமாகப் பெறவும்.

Amazon Link 3
Sathiya Priya
Sathiya Priyahttp://newscloudscoimbatore.com
Sathiya priya is an experienced journalist with 8 years of experience across various media platforms, and for the past 5 years she has been working with NewscloudsCoimbatore (NCC). She specializes in civic affairs, social issues, and people-centric reporting with a strong focus on accuracy and credibility.

Recent News

கார்த்திகையும்… ஐயப்ப விரதமும்… பத்கர்கள் மாலை அணிந்து சபரிமலை செல்வது ஏன்?

கோவை: கார்த்திகை 1ம் தேதி பிறந்துள்ள நிலையில், ஐயப்ப பக்தர்கள் மாலை அணிந்து, விரதம் இருப்பது ஏன்? அதற்கான காரணங்கள் என்னென்ன? என்பது குறித்து இந்த செய்தி தொகுப்பில் காணலாம். தமிழ் மாதங்களில் மிகவும்...

Video

கோவையில் வீட்டை உடைத்த காட்டுயானை- வீடியோ காட்சிகள்…

கோவை: கதிர்நாயக்கன்பாளையத்தில் காட்டு யானை வீட்டை சேதப்படுத்திய காட்சி வெளியாகி உள்ளது. கோவை மாவட்டத்தில் வனவிலங்குகள் நடமாட்டம் மேற்கு தொடர்ச்சி மலை ஒட்டிய பகுதிகளில் அதிக அளவு உள்ளது. அடிக்கடி வனப்பகுதியில் இருந்து...