14 வயது சிறுமி பாலியல் வன்கொடுமை வழக்கில் கைது செய்யப்பட்ட நபர், ஆயுதத்தை மீட்க அழைத்துச் சென்றபோது பெண் காவல் ஆய்வாளரை அரிவாளால் தாக்கியதாக கூறப்படுகிறது. தப்பியோட முயன்றபோது போலீசார் தற்காப்பு நடவடிக்கையாக துப்பாக்கியால் சுட்டதில் அவர் காலில் காயமடைந்தார்.
கோவை குனியமுத்தூர் அருகே கதவை பூட்டாமல் தூங்கிய கல்லூரி மாணவர்களின் வாடகை வீட்டிற்குள் புகுந்த மர்ம நபர்கள் 4 லேப்டாப்கள் மற்றும் 3 விலை உயர்ந்த செல்போன்களை திருடிச் சென்றுள்ளனர். இதுகுறித்து குனியமுத்தூர் போலீசார் வழக்குப்பதிவு செய்து விசாரணை நடத்தி வருகின்றனர்.
கோவை சூலூர் அருகே தனது 13 வயது மகன் மற்றும் 6 வயது மகளுக்கு மனைவியின் கள்ளக்காதலன் பாலியல் தொல்லை கொடுத்ததாக தந்தை மாவட்ட எஸ்.பி. அலுவலகத்தில் புகார் அளித்துள்ளார். குழந்தைகளை தாக்கி, மகனை கொலை செய்து விடுவதாக மிரட்டியதாகவும் அவர் குற்றம்சாட்டியுள்ளார்.
கோவை டாடாபாத் பகுதியில் உள்ள லாட்ஜ் அறையில் ராணுவ வீரர் விஜயபூபதி அழுகிய நிலையில் சடலமாக மீட்கப்பட்டார். நீண்ட நேரமாக அறை திறக்கப்படாமல் துர்நாற்றம் வீசியதைத் தொடர்ந்து லாட்ஜ் நிர்வாகம் அறையை திறந்தபோது சடலம் கண்டுபிடிக்கப்பட்டது. உயிரிழப்புக்கான காரணம் குறித்து ரத்தினபுரி போலீசார் விசாரணை நடத்தி வருகின்றனர்.
கோவை மாவட்ட விவசாயிகளுக்கு வேளாண் இயந்திரமயமாக்கும் திட்டத்தின் கீழ் ரூ.4.30 கோடி மதிப்பில் 377 வேளாண் இயந்திரங்கள் மற்றும் கருவிகள் மானியத்தில் வழங்கப்பட உள்ளன. தகுதியான விவசாயிகளுக்கு 40 முதல் 50 சதவீதம் வரை மானியம் வழங்கப்படும் நிலையில், உழவர் செயலி மூலம் குறிப்பிட்ட காலக்கெடுவில் விண்ணப்பிக்கலாம்.
கோவை கலெக்டர் அலுவலகம், கோர்ட் உள்ளிட்ட இடங்களுக்கு தொடர்ந்து வெடிகுண்டு மிரட்டல் விடுத்த நபர் கைது செய்யப்பட்டுள்ளார். 1,500-க்கும் மேற்பட்ட மிரட்டல் மெயில்களை அனுப்பிய இவர், போலீசாரிடம் சிக்கியது எப்படி?
கோவை ஆர்.எஸ்.புரத்தைச் சேர்ந்த 72 வயது தொழிலதிபரிடம் ‘டிஜிட்டல் அரஸ்ட்’ என மிரட்டி ரூ.5.50 கோடி சைபர் மோசடி செய்யப்பட்டுள்ளது. மேலும் ரூ.3 கோடியை பறிக்க முயன்றபோது வங்கி அதிகாரிகளின் சந்தேகத்தால் மோசடி தடுக்கப்பட்டு, சைபர் கிரைம் போலீசாருக்கு தகவல் தெரிவிக்கப்பட்டது.
கோவை பெரியநாயக்கன்பாளையம் அருகே போதை மாத்திரைகள் மற்றும் கஞ்சா விற்பனை செய்ததாக 2 வாலிபர்களை போலீசார் கைது செய்தனர். அவர்களிடம் இருந்து 400 டைடால் மாத்திரைகள், 120 கிராம் கஞ்சா மற்றும் 2 செல்போன்கள் பறிமுதல் செய்யப்பட்டன.
