கோவை பள்ளி மாணவர் அகிலன் உயிரிழப்பு குறித்து தாயார் அளித்த புகாரில் வழக்குப் பதிவு செய்யப்பட்டு, இரண்டு இளஞ்சிறார்கள் கூர்நோக்கு இல்லத்தில் அனுமதிக்கப்பட்டுள்ளதாகவும், ஐந்து தனிப்படைகள் அமைத்து விசாரணை நடைபெறுவதாகவும் கோவை மாநகர காவல் துறை தெரிவித்துள்ளது.
கோவையில் மிக கனமழை பெய்து வருவதால், நீலகிரி மற்றும் வால்பாறை பகுதிகளுக்குச் செல்லும் அனைத்து வாகனப் போக்குவரத்துக்கும் அடுத்த மூன்று நாட்களுக்கு இரவு நேரக் கட்டுப்பாடு விதிக்கப்பட்டுள்ளது. மேலும் அவசர கால உதவி எண்களும் அறிவிக்கப்பட்டுள்ளது.
உதகையில் இருந்து கோவை வந்த அரசு பேருந்து மீது பர்லியார் அருகே நிலச்சரிவு ஏற்பட்டதில் ஓட்டுநர் உயிரிழந்ததாகத் தகவல் வெளியாகியுள்ளது. 7 பேர் சிக்கியுள்ளதாகக் கூறப்படும் நிலையில் மீட்புப் பணிகள் தீவிரமாக நடைபெற்று வருகின்றன.
முதல்வர் விஜய் வருகையின்போது போராட்டத்தில் ஈடுபட்டதாகக் கைது செய்யப்பட்ட நாம் தமிழர் கட்சி வேட்பாளர் கார்த்திகா உள்ளிட்ட 9 பேருக்கு ஜாமீன் வழங்கப்பட்டுள்ளது. அவர்கள் கோவை மத்திய சிறையிலிருந்து வெளியே வந்தனர்.
கோவை பீளமேட்டில் மாணவர் உயிரிழந்த சம்பவத்தில் சாதியப் பாகுபாடு புகார் எழுந்துள்ளது. ஆசிரியர் கைது செய்யப்பட்ட நிலையில், தலைமை ஆசிரியரைக் கைது செய்யக் கோரி போராட்டம் நடைபெற்றது.
கோவையில் கேரள மீன் வியாபாரியைக் காரில் கடத்திச் சென்று தாக்கி ரூ.15 லட்சம் பறித்த வழக்கில் மத்திய சிறைக் காவலர் உட்பட இருவர் கைது செய்யப்பட்டுள்ளனர். மேலும், தலைமறைவான இருவரைப் போலீசார் தேடி வருகின்றனர்.
கோவையில் வீட்டு வரி விதிப்பதற்காக ரூ.40 ஆயிரம் லஞ்சம் கேட்டதாக மாநகராட்சி வடக்கு மண்டல பில் கலெக்டர் பிரதீப் குமாரை லஞ்ச ஒழிப்புத்துறை போலீசார் கையும் களவுமாகப் பிடித்தனர்.
