கோவை பெரியார் அறிவுலகம் மற்றும் கலைஞர் நூற்றாண்டு நூலகத்திற்கான நூல் கொள்முதலில் முறைகேடுகள் நடைபெற்றுள்ளதாக ஆராய்ச்சி மாணவர்கள் பிரேம்குமார், சதீஷ் ஆகியோர் குற்றம்சாட்டியுள்ளனர்.
கோவை ராமநாதபுரத்தில் குடும்பத்தினருடன் வாக்குவாதத்தில் ஈடுபட்டதாகக் கூறப்படும் 20 வயது இளைஞர் உயிரிழந்தார். சம்பவத்தின் பின்னணி குறித்து போலீசார் விசாரணை நடத்தி வருகின்றனர்.
கோவை பவர்ஹவுஸ் பகுதியில் உள்ள கடையில், ஜிபே மூலம் பணம் செலுத்தியதாகக் கூறி ரூ.2,500 மதிப்பிலான பொருட்களை வாங்கிச் செல்ல முயன்றதாகப் பெண் ஒருவரை ஊழியர்கள் பிடித்து போலீசாரிடம் ஒப்படைத்தனர்.
சூர்யாவின் ‘சீன்’ திரைப்பட வெளியீட்டை முன்னிட்டு, கோவை தெற்கு மாவட்ட தலைமை சூர்யா நற்பணி இயக்கத்தினர் மேளதாளம் முழங்க, கேக் வெட்டி, பட்டாசுகள் வெடித்துக் கொண்டாடினர். சதீஷ்குமார் தலைமையில் நடைபெற்ற நிகழ்ச்சியில் நிர்வாகிகள் மற்றும் ரசிகர்கள் திரளாகப் பங்கேற்றனர்.
கோவை சின்னவேடம்பட்டியில் பாதாள சாக்கடைப் பணிக்காகத் தோண்டப்பட்ட சாலை, மழையால் சேறும் சகதியுமாக மாறியதால் சரக்கு வாகனம் ஒன்று சிக்கியது. இதேபோல், வடவள்ளியில் மூன்று வாரங்களுக்கும் மேலாகத் தெருவிளக்குகள் எரியாததால் சிரமப்படுவதாகப் பொதுமக்கள் புகார் தெரிவித்துள்ளனர்
திமுக அலுவலக அடிக்கல் நாட்டு விழா, பெரியார் அறிவுலகப் பாராட்டு விழா ஆகியவற்றில் பங்கேற்க கோவை வந்த மு.க.ஸ்டாலினுக்கு விமான நிலையத்தில் உற்சாக வரவேற்பு அளிக்கப்பட்டது.
கோவையில் இரண்டு சார்பதிவாளர் அலுவலகங்களில் லஞ்ச ஒழிப்புச் சோதனையில் ரூ.40 ஆயிரம் ரொக்கம் சிக்கியது. ஜி பே மூலம் ரூ.6 லட்சம் பெறப்பட்டதும் கண்டறியப்பட்டுள்ளது.
ஜாதக தோஷம் நீக்குவதாகக் கூறி பெண்களிடம் பாலியல் அத்துமீறலில் ஈடுபட்டதாக எழுந்த புகாரில், யூடியூப் ஜோதிடர் கார்த்திகேயனிடம் மேட்டுப்பாளையம் மகளிர் போலீசார் விசாரணை நடத்தினர்.
