மேட்டுப்பாளையம் வட்டம் வெள்ளியங்காடு கிராமத்தில் ஆகஸ்ட் 12-ம் தேதி மாவட்ட ஆட்சித் தலைவர் தலைமையில் மக்கள் தொடர்பு முகாம் நடைபெற உள்ளது. பொதுமக்களிடமிருந்து மனுக்கள் ஆகஸ்ட் 5-ம் தேதி முதல் பெறப்பட்டு, தகுதியான பயனாளிகளுக்கு நலத்திட்ட உதவிகள் வழங்கப்பட உள்ளன.
கோவையில் ஆகஸ்ட் 10-ம் தேதி பிரதம மந்திரியின் தேசிய தொழிற்பழகுநர் சேர்க்கை முகாம் (PM NAM) நடைபெற உள்ளது. மத்திய, மாநில அரசு மற்றும் தனியார் நிறுவனங்களில் 300-க்கும் மேற்பட்ட காலியிடங்களுக்கு தேர்வு நடைபெறவுள்ளதால், தகுதியான இளைஞர்கள் பங்கேற்க மாவட்ட நிர்வாகம் அழைப்பு விடுத்துள்ளது.
கோவை சரவணம்பட்டி அருகே விளாங்குறிச்சியைச் சேர்ந்த 100 வயதான இரத்தினம்மாள் பாட்டி, தனது 100-வது பிறந்த நாளை 7 தலைமுறை வாரிசுகளுடன் சிறப்பாகக் கொண்டாடினார். உறவினர்கள் ஆசி பெற்று, வாழ்க்கை வரலாறு புத்தக வெளியீடு மற்றும் மரக்கன்று நடும் நிகழ்வும் நடைபெற்றது.
கோவையில் செய்தியாளர்களைச் சந்தித்த நடிகை ஆண்ட்ரியா, 'அரசன்' திரைப்படத்தில் சிம்புவின் அம்மாவாக தான் நடிக்கவில்லை என்றும், அதுபோன்ற தகவல்கள் தவறாக பரவி வருவதாகவும் விளக்கம் அளித்தார். மேலும், 'வடசென்னை' படத்தின் தொடர்ச்சிதான் 'அரசன்' என்றும் தெரிவித்தார்.
கோவையில் ஏடிஎம் இயந்திரத்தில் தவறுதலாக வந்த ரூ.10,000-ஐ வங்கியிடம் திருப்பி ஒப்படைக்க முயன்றும் அதிகாரிகள் அலட்சியம் காட்டியதாக இளைஞர் குற்றம்சாட்டியுள்ளார். இதையடுத்து அந்தப் பணத்தை மாவட்ட ஆட்சியரிடம் ஒப்படைத்து உரியவரிடம் சேர்க்க நடவடிக்கை எடுக்கக் கோரி ஆட்சியர் அலுவலகத்தை அணுகினார்.
கோவையில் பிஎஸ்என்எல் அலுவலக கட்டிட ஜன்னல் இடுக்கில் இருந்து தவறி கீழே விழுந்த மயில் குஞ்சை, தீயணைப்பு மற்றும் மீட்புப் பணித் துறையினர் பாதுகாப்பாக மீட்டனர். மீட்கப்பட்ட குஞ்சு மீண்டும் அதன் தாய் மயிலுடன் சேர்க்கப்பட்ட சம்பவம் அனைவரையும் நெகிழ்ச்சியடையச் செய்தது.
கோவை மாநகராட்சி 66-வது வார்டு அம்மன்குளம் பகுதியில் நிலவும் சுகாதார சீர்கேடுகளை உடனடியாக சரிசெய்ய வலியுறுத்தி, லட்சிய ஜனநாயக கட்சியினர் மாநகராட்சி அலுவலகத்தில் மனு அளித்தனர்.
கோவை: ஆடிப்பெருக்கு தினத்தை முன்னிட்டு பேரூர் படித்துறையை சுத்தம் செய்வதற்கு கல்லூரி மாணவர்கள் மற்றும் தன்னார்வலர்கள் களமிறங்கினர்.
ஆடிப்பெருக்கு நன்னாள்...
