கோவை குனியமுத்தூர் அடுத்த இடையர்பாளையத்தில் உள்ள தனியார் பள்ளியில் 800-க்கும் மேற்பட்ட மாணவர்களுக்கு சாலை பாதுகாப்பு மற்றும் போக்குவரத்து விதிகள் குறித்து விழிப்புணர்வு ஏற்படுத்தப்பட்டது. ஹெல்மெட், சீட் பெல்ட், வேகக்கட்டுப்பாடு மற்றும் சிக்னல் விதிகளை கடைபிடிக்க மாணவர்களுக்கு போக்குவரத்து போலீசார் அறிவுறுத்தினர்.
கோவை வெள்ளலூரில் செயல்பட்டு வரும் மாநகராட்சி கழிவு மேலாண்மை தளத்தில் திடக்கழிவு மேலாண்மை பணிகள் திருப்திகரமாக இல்லை என தெரிவித்த தேசிய பசுமை தீர்ப்பாயம், இதுதொடர்பாக கோவை மாநகராட்சி கமிஷனர் 4 வாரங்களுக்குள் விரிவான அறிக்கை தாக்கல் செய்ய உத்தரவிட்டுள்ளது.
ஒருபுறமாக சாய்ந்தபடி சென்ற தமிழக அரசு பேருந்து தொடர்பான வீடியோ சமூக வலைதளங்களில் வைரலாகி வரும் நிலையில், பயணிகள் பாதுகாப்பு குறித்து கேள்வி எழுந்துள்ளது.
விஜய்யை பவர்சென்டர்கள் இயக்குகின்றனர் என்றும், திமுகவை மட்டும் குறிவைத்து பேசுவது உள்நோக்கம் கொண்டது என்றும் புதிய தமிழகம் தலைவர் கிருஷ்ணசாமி கோவையில் விமர்சித்துள்ளார்.
“டாஸ்மாக் பிரச்சனை என்பது 200 படிகள் கொண்டது. நான் தற்போது 70 படிகள் வரை ஏறிவிட்டேன். மீதமுள்ள படிகளை ஏறி விரைந்து நடவடிக்கை எடுப்பேன்” என அமைச்சர் விக்னேஷ் கூறினார்.
சூலூரில் புதிய மேம்பாலம் அமைக்க கோரிக்கை வைத்துள்ள நிலையில், நெடுஞ்சாலைத்துறை அமைச்சர் ஆய்வு செய்து நடவடிக்கை எடுப்பதாக உறுதியளித்துள்ளதாக தவெக எம்.எல்.ஏ. சுகுமார் தெரிவித்துள்ளார். மேலும், சாலை, தெருவிளக்கு, குடிநீர் மற்றும் கலைக்கல்லூரி திட்டங்கள் குறித்தும் அவர் அப்டேட் அளித்துள்ளார்.
கோவை அனுவாவி சுப்பிரமணியசுவாமி கோயில் படிக்கட்டில் காட்டு யானை வழிமறித்த நிலையில், “போ சாமி தெக்கால” என பக்தர் ஒருவர் வேண்டுகோள் விடுத்த காட்சி வைரலாகி வருகிறது. பக்தர்கள் எச்சரிக்கையுடன் செல்ல அறிவுறுத்தப்பட்டுள்ளது.
கோவை கற்பகம் கல்லூரியில் நடைபெற்ற District Silambam Championship 2026–2027 போட்டியில், SMV சிலம்பம் அகாடமி மாணவி மானசா தங்கப் பதக்கம் வென்று சாதனை படைத்தார்.
