கோவை: ஹெல்மெட் அணியாமல் சென்றதற்காக போலீசார் அபராதம் விதித்ததைத் தொடர்ந்து, போலீசாருடன் வாக்குவாதத்தில் ஈடுபட்ட இளைஞரின் வீடியோ சமூக வலைதளங்களில் வைரலாகி வருகிறது.
கோவை செட்டிபாளையம் பகுதியைச் சேர்ந்தவர் விக்கி. சம்பவத்தன்று இவர் தனது இருசக்கர வாகனத்தில் ஹெல்மெட் அணியாமல் சென்றதாக கூறப்படுகிறது. அப்போது அப்பகுதியில் வாகன தணிக்கையில் ஈடுபட்டிருந்த போலீஸ்காரர் ஒருவர் அவரை நிறுத்தி, ஹெல்மெட் அணியாததற்காக ரூ.1000 அபராதம் விதித்துள்ளார்.
CLICK HERE TO READ NEWS:கோவையில் கஸ்டமர் போல் வந்து வெள்ளி கொலுசை திருடிய பெண்- சிசிடிவி காட்சிகள்…
இதற்கிடையில் அதே சாலையில் சிலர் ஹெல்மெட் அணியாமலும், சீட் பெல்ட் அணியாமலும் வாகனங்களை ஓட்டி சென்றதை பார்த்த விக்கி ஆத்திரமடைந்தார்.
வீடியோ
பின்னர் போக்குவரத்து விதிமீறலில் ஈடுபட்ட வாகன ஓட்டிகளை வீடியோ எடுத்த அவர், “விக்னேஷ் அண்ணா இது உங்கள் தொகுதி தான்… பாத்துக்கோங்க” என்று கூறியபடி, தனக்கு விதித்தது போல மற்றவர்களுக்கும் அபராதம் விதிக்க வேண்டும் என போலீசாரிடம் வாக்குவாதத்தில் ஈடுபட்டார்.
இந்த வீடியோவை தனது இன்ஸ்டாகிராம் பக்கத்திலும் விக்கி வெளியிட்டுள்ளார். தற்போது அந்த வீடியோ சமூக வலைதளங்களில் வைரலாக பரவி வருகிறது.
